ନନ୍ଦିଘୋଷ ବ୍ୟୁରୋ: ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଶାନ୍ତି ଚୁକ୍ତି ଭଂଗ।କାବୁଲର ସୁରକ୍ଷା ଦାୟିତ୍ଵ ନେବାକୁ ଇସଲାମାବାଦର ଦାବି ପରେ ଭାଂଗିଲା ଶାନ୍ତି ଚୁକ୍ତି। ଅସ୍ତବିରତି ଜାରି ରହିଥିଲେ ମଧ୍ୟ ଶାନ୍ତି ଆଲୋଚନା ବିଫଳ ହୋଇଛି। ଇସଲାମାବାଦର ଦାବିକୁ ନେଇ ଆଫଗାନ-ପାକ୍ ଶାନ୍ତି ଆଲୋଚନା ଭଂଗ ହୋଇଛି। କାବୁଲର ଆଭ୍ୟନ୍ତରୀଣ ସୁରକ୍ଷା ଦାୟିତ୍ଵ ପାକିସ୍ତାନ ନେବାକୁ ଦାବି କରିବା ପରେ ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ଶାନ୍ତି ଆଲୋଚନା ଭଂଗ ହୋଇଛି। ଦୁଇ ପଡ଼ୋଶୀଙ୍କ ମଧ୍ୟରେ ଅସ୍ତ୍ରବିରତି ଜାରି ରହିଥିଲେ ମଧ୍ୟ ଶାନ୍ତି ଆଲୋଚନା ବିଫଳ ହୋଇଛି। ଯୁଦ୍ଧବିରତି ଏପର୍ଯ୍ୟନ୍ତ ଉଲ୍ଲଂଘନ କରାଯାଇ ନଥିବାରୁ ଏହାକୁ ପାଳନ କରାଯିବ ବୋଲି କହିଛି ଆଫଗାନିସ୍ତାନ। ସୀମା ସଂଘର୍ଷକୁ ରୋକିବା ପାଇଁ ଇସ୍ତାନବୁଲରେ ହୋଇଥିବା ଶାନ୍ତି ଆଲୋଚନା ବିଫଳ ହୋଇଥିବା
ସ୍ଵୀକାର କରିଛନ୍ତି ପାକିସ୍ତାନର ବୈଦେଶିକ ମନ୍ତ୍ରୀ ଖ୍ଵାଜା ଆସିଫ। ଯେ ଯେପର୍ଯ୍ୟନ୍ତ ଆଫଗାନ ଅଞ୍ଚଳରୁ କୌଣସି ଆକ୍ରମଣ ନହୁଏ ସେପର୍ଯ୍ୟନ୍ତ ଯୁଦ୍ଧବିରତି ଜାରି ରହିବ। ଗତ କିଛି ମାସ ମଧ୍ୟରେ ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଗତ ମାସରେ ଦୁଇ ଦେଶର ସେନା ମଧ୍ୟରେ ସଂଘର୍ଷ ହୋଇଥିଲା। ଏଥିରେ ୧୪ ଜଣଙ୍କ ମୃତ୍ୟୁ ଘଟିଥିଲା। ୨୦୨୧ରେ ତାଲିବାନ କ୍ଷମତା ଦଖଲ କରିବା ପରେ ଦୁଇ ଦେଶ ମଧ୍ୟରେ ଏହା ସବୁଠାରୁ ବଡ଼ଧରଣର ହିଂସା ଥିଲା। ଗତ ଅକ୍ଟୋବରରେ ଦୋହାରେ ଉଭୟ ଦେଶ ଯୁଦ୍ଧବିରତି ସ୍ୱାକ୍ଷର କରିଥିଲେ। କିନ୍ତୁ ଇସ୍ତାନବୁଲରେ ଦ୍ୱିତୀୟ ପର୍ଯ୍ୟାୟ ଆଲୋଚନା ଦୀର୍ଘକାଳୀନ ଚୁକ୍ତି ବିନା ଶେଷ ହୋଇଥିଲା। ପାକିସ୍ତାନ ପ୍ରତି ବିପଦ ଥିବା ଆଫଗାନ ବିଦ୍ରୋହୀ ଗୋଷ୍ଠୀଗୁଡ଼ିକୁ ନେଇ ମତଭେଦରୁ ଏହି ଅଚଳାବସ୍ଥା ସୃଷ୍ଟି ହୋଇଥିଲା। ଏକଦା ଘନିଷ୍ଠ ସହଯୋଗୀ ଥିବା ପାକିସ୍ତାନ ଏବଂ ତାଲିବାନର କିଛି ବର୍ଷ ମଧ୍ୟରେ ସେମାନଙ୍କ ସମ୍ପର୍କରେ ତିକ୍ତତା ବୃଦ୍ଧି ହେବାରେ ଲାଗିଛି।…
