ନନ୍ଦିଘୋଷ ବ୍ୟୁରୋ ; ଭାରତ-ପାକିସ୍ତାନ ଉତ୍ତେଜନା ଭିତରେ ସ୍ବଦେଶ ପ୍ରେମର ପ୍ରତିଫଳନ ଘଟିଲା ମିଠାଇରେ। ରାଜସ୍ଥାନର ମିଠା ବ୍ୟବସାୟୀ ନେଇଛନ୍ତି ଭିନ୍ନ ପଦକ୍ଷେପ। ଯେଉଁ ସବୁ ମିଠାଇରେ ପାକ୍ ଶବ୍ଦ ଲେଖାଯାଇଥିଲା ତାହାକୁ ହଟାଇଦେଇଛନ୍ତି। ରାଜସ୍ଥାନ ଜୟପୁରରେ ଏହି ଉଦାହରଣ ଦେଖିବାକୁ ମିଳିଛି। ଯେଉଁ ସବୁ ଦୋକାନରେ ମିଠାଇର ନାଁ ମହୀଶୂର ପାକ୍ ଥିଲା ତାହାକୁ ହଟାଇ ରଖାଯାଇଛି ମହୀଶୂର ଶ୍ରୀ। ସେହିପରି ମୋତି ପାକ୍ ବଦଳରେ ତାହାର ନାମ କରଣ କରାଯାଇଛି ମୋତି ଶ୍ରୀ। ସେହିପରି ଆମ ଶ୍ରୀ, ଗୋଣ୍ଡ ଶ୍ରୀ, ସ୍ବର୍ଣ୍ଣ ଶ୍ରୀ ଓ ଚଣ୍ଡୀ ଶ୍ରୀ ଭଳି ମିଠାଇ ବର୍ତ୍ତମାନ ଉପଲବ୍ଧ ହେଉଛି। ମିଠା ଦୋକାନ ମାଲିକ କୁହନ୍ତି ଯେ ଏହା ଦେଶପ୍ରେମ ପ୍ରକାଶ କରିବାର ଏକ ଛୋଟ ଉପାୟ। ଦେଶଭକ୍ତିର ଭାବନା କେବଳ ସୀମାରେ ନୁହେଁ ପ୍ରତ୍ୟେକ ହୃଦୟରେ ରହିବା ଉଚିତ୍। ଏ ନିଷ୍ପତ୍ତି କେବଳ ଶବ୍ଦ ବିଷୟରେ ନୁହେଁ ବରଂ ଭାବନା ବିଷୟରେ ବୋଲି ସେମାନେ କହିଛନ୍ତି। ଗ୍ରାହକମାନେ ମଧ୍ୟ ଏ ପଦକ୍ଷେପକୁ ସମର୍ଥନ କରୁଛନ୍ତି ।
