ଇସଲାମାବାଦ: ସାଇଫର ମାମଲାରେ ପାକିସ୍ତାନର ସର୍ବୋଚ୍ଚ ନ୍ୟାୟାଳୟ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ପୂର୍ବତନ ବୈଦେଶିକ ମନ୍ତ୍ରୀ ଶାହ ମହମୁଦ କୁରେଶୀଙ୍କୁ ଜାମିନ ପ୍ରଦାନ କରିଛନ୍ତି। ପାକିସ୍ତାନ ତେହେରିକ-ଏ-ଇନସାଫ (ପିଟିଆଇ) ର ଦୁଇ ନେତାଙ୍କୁ ୧୦ ଲକ୍ଷ ଟଙ୍କା ଲେଖାଏଁ ଜମା କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଜଷ୍ଟିସ ସର୍ଦ୍ଦାର ତାରିକ ମସୁଦଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଯେଉଁଥିରେ ଜଷ୍ଟିସ୍ ଅତହର ମୀନଲ୍ଲାହ ଏବଂ ସୟଦ ମନସୁର ଅଲି ଶାହା ସାମିଲ ରହିଛନ୍ତି।
ଏହି ମାମଲା କୂଟନୈତିକ ଡକ୍ୟୁମେଣ୍ଟ ସହ ଜଡିତ। ଇମ୍ରାନ ଖାନ ଜାଣିଶୁଣି ଏହି ଗୁପ୍ତ ଦସ୍ତାବିଜକୁ ସାର୍ବଜନୀନ କରିଥିଲେ। ଏହି ଡକ୍ୟୁମେଣ୍ଟରେ ଇମ୍ରାନଙ୍କୁ ପ୍ରଧାନମନ୍ତ୍ରୀ ପଦରୁ ହଟାଇବା ପାଇଁ ଆମେରିକା ପକ୍ଷରୁ ଧମକ ଦିଆଯାଇଥିବା ନେଇ ପିଟିଆଇ ପକ୍ଷରୁ ଦାବି କରାଯାଇଥିଲ।।
ଅଦିୟାଲା ଜିଲ୍ଲା ଜେଲରେ ଏହି ଶୁଣାଣି ହୋଇଥିଲା। ଅକ୍ଟୋବର ୨୩ରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ତାଙ୍କ ସହଯୋଗୀ ଶାହ ମହମୁଦ କୁରେଶୀ ପ୍ରଥମେ ଦୋଷୀ ସାବ୍ୟସ୍ତ ହୋଇଥିଲେ।
