ପଦମପୁର ଉପନିର୍ବାଚନ: ଘରକୁ ଘର ବୁଲି ଆଶୀର୍ବାଦ ମାଗୁଛନ୍ତି ବର୍ଷା
ପଦମପୁର: ସମୟ ପାଖଉଛି, ଟେନସନ ବଢୁଛି । ପଦମପୁର ଉପନିର୍ବାଚନ ପାଇଁ ଜୋରଦାର ପ୍ରଚାର କରୁଛନ୍ତି ୩ ପ୍ରମୁଖ ଦଳଙ୍କ ପ୍ରାର୍ଥୀ । ଘରକୁ ଘର ବୁଲି ଭୋଟ ହାତେଇବାକୁ କସରତ କରୁଛନ୍ତି ସବୁ ଦଳ । ବିଭିନ୍ନ ସ୍ଥାନରେ ବିରାଟ ସମାବେଶ କରି ଲୋକଙ୍କ ଜନ ସମର୍ଥନ ବୃଦ୍ଧି କରୁଛି ବିଜେଡି । ପ୍ରତି ଗାଁରେ ସମସ୍ତଙ୍କ ଘରକୁ ଯାଇ ଆଶୀର୍ବାଦ ମାଗୁଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା ।
ଆଜି ଏନଏସିରେ ଚାଲିଛି ବିଜେଡି ପ୍ରାର୍ଥୀ ବର୍ଷା ସିଂ ବରିହାଙ୍କ ମାରାଥନ ପ୍ରଚାର । ୧୧ ନମ୍ବର ଓ୍ବାର୍ଡରେ ଘରକୁ ଘର ବୁଲି ଆଶୀର୍ବାଦ ଲୋଡୁଛନ୍ତି ବର୍ଷା । ପୁରୁଖା ନେତା ଓ ମନ୍ତ୍ରୀଙ୍କ ସହିତ ଚାଲିଛି ପ୍ରଚାର । ପ୍ରଚାର ରାଲି ଓ ସଭାରେ ହଜାର ହଜାର ସଂଖ୍ୟାରେ ସମର୍ଥକ ହୋଇଛନ୍ତି ସାମିଲ ।
ନିର୍ବାଚନୀ ପ୍ରଚାର ସଭାରେ ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନା ସମ୍ପର୍କରେ ଲୋକଙ୍କୁ ସଚେତନ କରୁଛନ୍ତି ବର୍ଷା । ସରକାର ଓ ଲୋକଙ୍କ ମଧ୍ୟରେ ସମ୍ପର୍କର ସେତୁ ହେବାକୁ ପ୍ରତିଶ୍ରୁତି ଦେଉଛନ୍ତି ବର୍ଷା । ସେପଟେ ବିରୋଧୀ ବିଜେପି ଓ କଂଗ୍ରେସ ମଧ୍ୟ ଜୋରସୋରରେ ପ୍ରଚାର ଚଳାଇଛନ୍ତି । ଗାଁରୁ ଗାଁ ବୁଲି ଲୋକଙ୍କ ସମର୍ଥନ ପାଇଁ ଦେଉଛନ୍ତି ପ୍ରତିଶ୍ରୁତି ।
