କରୋନାରେ ୨ ମାସ ପୂର୍ବରୁ ଯାଇଛି ପ୍ରାଣ, ଏବେ ସରକାର ପଚାରୁଛନ୍ତି ଔଷଧ ଦରକାର କି !

1 min read

ଇନ୍ଦୋର: ସାମ୍ନାକୁ ଆସିଲା ସ୍ୱାସ୍ଥ୍ୟ ବିଭାଗର ଏକ ବଡ଼ ଅବହେଳା । ଆକ୍ରାନ୍ତଙ୍କ ମୃତ୍ୟୁ ପରେ ସ୍ୱାସ୍ଥ୍ୟ ବିଭାଗର କଲ୍ ସେଣ୍ଟରରୁ ରୋଗୀକୁ ଔଷଧ ଏବଂ କୋଭିଡ କେୟାର ସେଣ୍ଟରରେ ଭର୍ତ୍ତି କରିବାକୁ ପରିବାର ସଦସ୍ୟଙ୍କ ପାଖକୁ ଆସିଲା ଫୋନ । ଘଟଣାଟି ହେଉଛି ମଧ୍ୟପ୍ରଦେଶର ଇନ୍ଦୋରର । ସୂଚନା ଅନୁସାରେ ଇନ୍ଦୋର ହାଇକୋର୍ଟରେ କାର୍ଯ୍ୟରତ ଜଣେ ଓକିଲଙ୍କ ବାପାମାଆ ଏବଂ ଭଉଣୀ ପ୍ରାୟ ଦୁଇମାସ ପୂର୍ବେ କୋଭିଡରେ ମୃତ୍ୟୁ ବରଣ କରିଥିଲେ । ଏହାର ସୂଚନା ନା ସ୍ୱାସ୍ଥ୍ୟ ବିଭାଗ ପାଖରେ ଥିଲା ନା ପ୍ରଶାସନ ପାଖରେ ।

ଯେଉଁ ୩ଜଣଙ୍କ ମୃତ୍ୟୁ ପ୍ରାୟ ଦୁଇ ମାସ ପୂର୍ବରୁ ହୋଇଯାଇଛି ସେମାନଙ୍କ ପ୍ରତି ସ୍ୱାସ୍ଥ୍ୟ ବିଭାଗ ଏବେ ତତତ୍ପର ହୋଇଛି । ସେମାନଙ୍କୁ କୋଭିଡ କେୟାର ସେଣ୍ଟରରେ ଭର୍ତ୍ତି କରାଇବା ସହିତ ଘରେ ଔଷଧ ପଠାଇବାକୁ ବିଭାଗ ଫୋନ ଯୋଗେ ତାଙ୍କୁ  ପଚାରୁଛି। ହାଇକୋର୍ଟର ଓକିଲ ମନୀଷ ଯାଦବ କହିଛନ୍ତି ଯେ, ତାଙ୍କ ପିତା ରମେଶ ଯାଦବ, ମାତା ପ୍ରମିଲା ଯାଦବ ଏବଂ ଭଉଣୀ ମାର୍ଚ୍ଚ ମାସରେ କରୋନା ସଂକ୍ରମିତ ହୋଇଥିଲେ ଏବଂ ଦୁଇମାସ ପୂର୍ବରୁ ହିଁ ସେମାନଙ୍କ ମୃତ୍ୟୁ ହୋଇଯାଇଛି ।

ଯେଉଁ ୩ଜଣ କରୋନାରେ ପିଡ଼ିତଙ୍କ ମୃତ୍ୟୁ ହୋଇଯାଇଛି ସେମାନଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ସ୍ୱାସ୍ଥ୍ୟ ବିଭାଗର କଣ୍ଟ୍ରୋଲ ରୁମରୁ ଫୋନ ଆସୁଛି । ଏବଂ ସେମାନଙ୍କୁ କୋଭିଡ କେୟାର ସେଣ୍ଟରରେ ଭର୍ତ୍ତି କରିବାକୁ ଏବଂ ଔଷଧ ପଠାଇବା କଥା ମଧ୍ୟ ପଚରା ଯାଉଛି । ମନୀଷ କହିଛନ୍ତି ଯେ, ଏହା ଦର୍ଶାଏ ଯେ ସ୍ୱାସ୍ଥ୍ୟ ବିଭାଗରେ କିପରି ଠକେଇ ଚାଲିଛି ଏବଂ କରୋନା ବିଷୟରେ ଭୁଲ ତଥ୍ୟ ଦିଆଯାଉଛି । ଏବଂ ଏବେ ସେ ଏହି ଘଟଣାକୁ କୋର୍ଟ ପର୍ଯ୍ୟନ୍ତ ନେବା କଥା ମଧ୍ୟ କହିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner