୧ କେଜିରୁ ଉର୍ଦ୍ଧ୍ୱ ବ୍ରାଉନସୁଗାର ଜବତ କଲା ସ୍ପେଶାଲ କ୍ରାଇମ ୟୁନିଟ

ଡେଲାଙ୍ଗ: ସ୍ପେଶାଲ କ୍ରାଇମ ୟୁନିଟ ହାତରେ କେଜିଏରୁ ଉର୍ଦ୍ଧ୍ୱ ବ୍ରାଉନସୁଗାର । ଜବତ ହୋଇଛି ୧ କେଜି ୧୨ ଗ୍ରାମ ବ୍ରାଉନସୁଗର । ଅତିରିକ୍ତ ଡିସିପି ସଞ୍ଜୀବ ଶତପଥୀଙ୍କ ନିର୍ଦ୍ଦେଶକ୍ରମେ ଚାଲିଥିବା ଆଣ୍ଟି ନାର୍କୋଟିକ୍ସ ଡ୍ରାଇଭରେ ଡେଲାଙ୍ଗ କୋଠାଗଡ଼ର ନିରଞ୍ଜନ ପାଟ୍ଟଯୋଶୀ ଓ ଡେଲାଙ୍ଗ ଥାନା ରତନପୁରର ପ୍ରଦୀପ୍ତ କୁମାର ସାହୁଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୨ଟି ବାଇକ ମଧ୍ୟ ଜବତ କରାଯାଇଛି ।

ମେ ୧୦ ରେ ଆରମ୍ଭ ହୋଇଥିବା ସ୍ପେଶାଲ କ୍ରାଇମ ୟୁନିଟ ୧ ହଜାର ୪୨୦ ଗ୍ରାମ ବ୍ରାଉନସୁଗାର ଏଯାବତ ଜବତ କରିଛି। ଏହାସହ ୨୩୦ କେଜି ଗଞ୍ଜେଇ ଜବତ କରାଯାଇଛି । ୩ ଟି ଦିଗକୁ ନେଇ ସ୍ପେଶାଲ କ୍ରାଇମ ୟୁନିଟ କାର୍ଯ୍ୟ କରୁଛି। Anti fraud cell, narcotics control ଓ Organized crime ବିରୋଧରେ ଜିରୋ ଟଲରାନ୍ସ ନୀତି ଆପଣାଯାଉଛି।

ଓଡିଶା ପୋଲିସର କ୍ରାଇମବ୍ରାଞ୍ଚ ଭଳି କମିଶନରେଟ ପୋଲିସର ସ୍ପେଶାଲ କ୍ରାଇମ ୟୁନିଟ ମିନି କ୍ରାଇମବ୍ରାଞ୍ଚ ଭଳି କାମ କରୁଥିବା କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀB।