‘ସବୁ ରାତିରେ ମୋ ସ୍ୱପ୍ନରେ ଆସନ୍ତି ଭଗବାନ ଶ୍ରୀକୃଷ୍ଣ, ଆଉ କୁହନ୍ତି ତୁମ ଦଳ ସରକାର ଗଢ଼ିବ’

ଲକ୍ଷ୍ନୌ: ଆସନ୍ତା ବିଧାନସଭା ନିର୍ବାଚନ ନେଇ ତାରିଖ ଘୋଷଣା ହୋଇନଥିଲେ ମଧ୍ୟ ଏ ନେଇ ପ୍ରସ୍ତୁତ ଜୋରଦାର କଲେଣି ଉତ୍ତରପ୍ରଦେଶର ପ୍ରମୁଖ ରଜନୈତିକ ଦଳ । ଭାଷଣବାଜି, ଆରୋପ ପ୍ରତ୍ୟାରୋପ ମଧ୍ୟ ବଢ଼ିବାରେ ଲାଗିଛି । ଏଭଳି ସମୟରେ ୟୁପିର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ମନ୍ତବ୍ୟ ରାଜନୈତିକ ମହଲରେ ବେଶ୍ ଚର୍ଚ୍ଚାର ବିଷୟ ପାଲଟିଛି ।

ସୋମବାର ଦିନ ଉତ୍ତର ପ୍ରଦେଶର ପୂର୍ବତନ ମଖ୍ୟମନ୍ତ୍ରୀ ଅଖିଳେଶ ଯାଦବ କହିଛନ୍ତି, ଶ୍ରୀକୃଷ୍ଣ ସବୁଦିନ ମୋର ସ୍ଵପ୍ନରେ ଆସନ୍ତି ଓ ଗତକାଲି ବି ଆସିଥିଲେ । ଶ୍ରୀକୃଷ୍ଣ ସବୁଦିନ ମୋର ସ୍ଵପ୍ନରେ ଆସି କହନ୍ତି ଉତ୍ତର ପ୍ରଦେଶରେ ସମାଜବାଦ ପାର୍ଟି ହିଁ ସରକାର ଗଠନ କରିବ । ଅଖିଳେଶ ଯାଦବ ଆହୁରି କହିଛନ୍ତି, ବିଜେପି ଅନେକ ସମୟରେ ରାମରାଜ୍ୟ ବିଷୟରେ କହିଥାଏ କିନ୍ତୁ ସମାଜବାଦର ରାସ୍ତା ହିଁ ରାମରାଜ୍ୟ ଅଟେ । ଯେଉଁଦିନ ସମାଜବାଦ ସମ୍ପୂର୍ଣ୍ଣରୂପେ ଲାଗୁ ହୋଇଯିବ ସେହିଦିନ ଠାରୁ ରାମରାଜ୍ୟ ଆରମ୍ଭ ହୋଇଯିବ ।

#WATCH | "Lord Sri Krishna comes to my dream every night to tell me that our party is going to form the government,” said Former UP CM and Samajwadi Party chief Akhilesh Yadav yesterday pic.twitter.com/rmq1p8XgwT

— ANI UP/Uttarakhand (@ANINewsUP) January 4, 2022

ଅଖିଳେଶ ଯାଦବଙ୍କ ଏପରି ମନ୍ତବ୍ୟ ପରେ ବିଜେପିର କ୍ୟାବିନେଟ୍ ମନ୍ତ୍ରୀ ସିଦ୍ଧାର୍ଥ ନାଥ ସିଂହ ଅଖିଳେଶ ଯାଦବଙ୍କୁ ଟ୍ୟାଗ୍ କରି ଟ୍ଵିଟ୍ କରି ଲେଖିଛନ୍ତି,ଯାହା ହେଉ ଭଲ ହେଲା ଅଖିଳେଶ ଯାଦବଙ୍କୁ ବାବର ଓ ଜିନ୍ନାଙ୍କଠାରୁ ସମୟ ମିଳିଲା ଏବଂ ଏବେ ସ୍ଵପ୍ନରେ ହେଲେ ବି ଅଖିଳେଶଙ୍କୁ ଭଗବାନ କୃଷ୍ଣ ଦେଖାଯାଉଛନ୍ତି । ଚିନ୍ତା କରନ୍ତୁ ନାହିଁ ଯୋଗୀ ଆଦିତ୍ୟନାଥଙ୍କ ଆଉ ୫ ବର୍ଷର ଶାସନରେ ଅଖିଳେଶଙ୍କୁ ରାମ, କୃଷ୍ଣ ଓ ଶିବ ବି ଦେଖାଦେବେ ।