ପାଚିଲା ଧାନକୁ ଚକଡ଼ା ଦାଉରୁ କେମିତି ରଖିବେ ସୁରକ୍ଷିତ, ଜାଣନ୍ତୁ…

OUAT Issued Advisory On Protect To Paddy From Worm Attack

ଭୁବନେଶ୍ୱର: ଚାଷୀ ମୁଣ୍ଡରେ ଚଡ଼କ । ପ୍ରଥମେ ଅଦିନିଆ ବର୍ଷା, ଏବେ ଚକଡ଼ା ପୋକ । ଅମଳ ସମୟ ପାଖେଇ ଥିଲେ ବି ଚକଡ଼ା ପୋକ ବା ବିପିଏଚ୍‌ ସଂକ୍ରମଣ ଯୋଗୁଁ ହେକ୍ଟର ହେକ୍ଟର ଧାନ ଫସଲ ନଷ୍ଟ ହେବାରେ ଲାଗିଛି । କୀଟନାଶକ ବି କାମ କରୁନି । ତେବେ ଚକଡ଼ା ପୋକ ନିୟନ୍ତ୍ରଣ ପାଇଁ ଭଦ୍ରକ ରାଣୀତାଲ ଓୟୁଏଟି ଆଞ୍ଚଳିକ ଗବେଷଣା କେନ୍ଦ୍ର ଜାରି କରିଛି ୬ ସୂତ୍ରୀ ଆଡଭାଇଜରୀ ।

 OUAT Issued Advisory On Protect To Paddy From Worm Attack

ବହୁ କଷ୍ଟରେ ଚାଷ ସରିଲା । ଫସଲ ଅମଳ ସମୟକୁ ଦାଉ ସାଧିଲା ଅଦିନିଆ ବର୍ଷା । ପାଚିଲା ଧାନ ତଳେ ପଡ଼ି ଗଜାହେଲା, ବିଲରୁ ଏବେ ବି ପାଣି ଛାଡ଼ିନି । ସେପଟେ ଚକଡ଼ା ପୋକ ଆତଙ୍କରେ ଥରିଲାଣି ଚାଷୀର ଛାତି । ସ୍ଥିତି ଏମିତି ଯେ, ଖୋର୍ଦ୍ଧାରୁ ସୁବର୍ଣ୍ଣପୁର ସବୁଠି ଚକଡ଼ା ପୋକ ବା ବିପିଏଚ୍‌ ପୋକ ହେକ୍ଟର ହେକ୍ଟର ଜମିରେ ଖାଇ ଚାଲିଛନ୍ତି ଧାନ ଫସଲ । ସୁବର୍ଣ୍ଣପୁର ଜିଲ୍ଲାର ଦୁଇଟି ଜଳସେଚିତ ବ୍ଲକ୍ ବିନିକା ଓ ଡୁଙ୍ଗୁରିପାଲି ଚକଡ଼ା ପୋକର ଶିକାର ହୋଇଛି । ସେହିପରି ସୁବର୍ଣ୍ଣପୁର, ଉଲୁଣ୍ଡା ଓ ବୀରମହାରାଜପୁର ବ୍ଲକର ବିଭିନ୍ନ ଗାଁରେ ଚକଡ଼ା ପୋକର ପ୍ରାଦୁର୍ଭାବ ବଢ଼ି ଚାଲିଛି । କୀଟନାଶକ ଔଷଧ ପକାଇଲେ ବି କିଛି ପ୍ରଭାବ ପଡ଼ୁନାହିଁ । ଧାନ ଫସଲ ନଷ୍ଟ ହେବାରୁ ଜିଲ୍ଲାର ଚାଷୀ ହତାଶ ହୋଇ ପଡ଼ିଲେଣି ।

 OUAT Issued Advisory On Protect To Paddy From Worm Attack

ବିଲରେ ପାଣି ଜମି ରହିଲେ କି ଧାନ ଗଛ ମୂଳ ସନ୍ତସନ୍ତିଆ ରହିଲେ ଚକଡ଼ା ପୋକ ସଂଖ୍ୟା ବୃଦ୍ଧି ହୋଇଥାଏ । ଚଳିତ ବର୍ଷ ଚକଡ଼ା ପୋକ ସମସ୍ୟା ଦେଖା ଦେବା ପରେ ପୋକ ନିୟନ୍ତ୍ରଣ ପାଇଁ ଓୟୁଏଟି ୬ ସୂତ୍ରୀ ଗାଇଡଲାଇନ୍ ଜାରି କରିଛି ।

 OUAT Issued Advisory On Protect To Paddy From Worm Attack

  1. ପ୍ରଥମେ ଧାନ କିଆରିରେ ଜମି ରହିଥିବା ପାଣି ଖଲାସ କରିବାକୁ ବ୍ୟବସ୍ଥା କରିବା ଦରକାର ।
  2. ଏଥିପାଇଁ ସିଆର କାଟି କିଆରିର ଚାରିପଟେ ଗାତ ଖୋଳି ଧାନ ବୁଦା ମୂଳରୁ ପାଣି ନିଷ୍କାସନ କରିବେ ।
  3. ସିନ୍ଥେଟିକ୍‌ କୀଟନାଶକ ଧାନ ଗଛରେ ସ୍ପ୍ରେ କରିବେ ନାହିଁ ।
  4. ମଧ୍ୟମ ଧରଣ ପୋକ ଲାଗିଥିଲେ ଏକର ପିଛା ୬୦ ଗ୍ରାମ ବିଶିଷ୍ଟ ଏଥିପ୍ରୋଲ ଓ ଇମିଡାକ୍ଲୋପ୍ରିଡ୍‌ ଦ୍ରବଣ କିମ୍ବା ଡାଇନୋଟେଫରନ୍‌ ୨୦ ଏସ୍‌ଜି ଏକର ପିଛା ୮୦ ଗ୍ରାମ୍‌ ସ୍ପ୍ରେ କରାଯିବ ।
  5. ଏ ନେଇ ଚାଷୀମାନେ ସ୍ଥାନୀୟ କୃଷି ଅଧିକାରୀଙ୍କ ପରାମର୍ଶ ନେବା ଦରକାର ।
  6. ତେବେ କୀଟନାଶକକୁ ଧାନ ଗଛର ମୂଳରେ ସ୍ପ୍ରେ କରିବ ଦରକାର ।

 OUAT Issued Advisory On Protect To Paddy From Worm Attack

ଧାନ ଗଛ ଉପରେ ପକାଇଲେ ବିପିଏଚ୍‌ ପୋକ ମରିବ ନାହିଁ  ବୋଲି ଓୟୁଏଟି ବିଶେଷଜ୍ଞ ପରାମର୍ଶ ଦେଇଛନ୍ତି । ମାଟିଆ ଗୁଣ୍ଡି ବା ଚକଡ଼ା ପୋକର ନିୟନ୍ତ୍ରଣ ପାଇଁ ବଜାରରେ ଅନେକ ନକଲି କୀଟନାଶକ ଔଷଧ ଅସାଧୁ ବ୍ୟବସାୟୀ ବିକ୍ରି କରୁଛନ୍ତି । ଗ୍ରାମାଞ୍ଚଳରେ ଥିବା ଭିଏଡବ୍ଲୁ କିମ୍ବା କୃଷି ଅଧିକାରୀମାନଙ୍କ ପରାମର୍ଶ ନେଇ ଠିକ୍‌ କୀଟନାଶକ ବ୍ୟବହାର କରିବାକୁ କୃଷି ବିଭାଗ ଅନୁରୋଧ କରିଛି ।

Leave a Reply