ଡରାଇ ଧମକାଇ ସାରୁଅରେ ନିରୀହ ଲୋକଙ୍କଠାରୁ ଜମି ହାତେଇଛି ଓଟିଭି

ଖୋର୍ଦ୍ଧା: ସାରୁଅରେ ଓଟିଭି ଜମି ଚଞ୍ଚକତାର ସାଂଘାତିକ ସତ । କଳେବଳେ କୌଶଳେ, ଡରାଇ ଧମକାଇ ଓଟିଭି କେମିତି ଲୁଟିଛି ଜମି । କ୍ରାଇମବ୍ରାଞ୍ଚ ତଦନ୍ତ ବେଳେ ଶାଗମାଛ ଦରରେ ଓଟିଭି କିଭଳି ନିରୀହ ଲୋକଙ୍କ ଜମିକୁ ଶାଗମାଛ ଦରରେ କିଣି ନେଇଥିବା କହିଛନ୍ତି ଲୋକ । କେବଳ ଏତିକି ନୁହେଁ ଅନ୍ୟର ଜମିରେ ଓଟିଭି ପାଚେରି ନିର୍ମାଣ କରି ଅନ୍ୟ ଜମିକୁ ରାସ୍ତାରୋକି ଥିବା ଅଭିଯୋଗ ହୋଇଛି ।

ହାଲୁରୀ ପାହାଡ଼ ସିଂ ଅଭିଯୋଗ କରିଛନ୍ତି ଓଟିଭି ତାଙ୍କର ୧୦ ମାଣେ ଜମିକୁ ଓଟିଭି ଧମକାଇ ନେଇଯାଇଛି । ମୋ ଜମିକୁ ମୋତେ ଫେରାଇ ଦିଆଯାଉ ବୋଲି କହିଛନ୍ତି ହାଲୁରୀ । ମୁଁ ନିରୀହ ଲୋକ, ଖାଇବାକୁ ମୋ ଘରେ ନାହିଁ । ସରକାର ଓ କ୍ରାଇମବ୍ରାଞ୍ଚ  ଜମି ଓଟିଭି ଠାରୁ ଫେରାଇ ଆଣନ୍ତୁ । ଓଟିଭି ମୋ ଜମିକୁ ଶାଗ ମାଛ ଦରରେ ଗୁଣ୍ଠକୁ ମାତ୍ର ୨ ହଜାର ଟଙ୍କାରେ ଧମକାଇ ନେଇ ଯାଇଥିବା କୋହଭରା କଣ୍ଠରେ କହିଛନ୍ତି ହାଲୁରୀ ପାହାଡ଼ ସିଂ ।

କେବଳ ହାଲୁରୀ ନୁହଁନ୍ତି ସ୍ଥାନୀୟ ଆଉ ଜଣେ ବାସିନ୍ଦା ସମାନ ଅଭିଯୋଗ କରିଛନ୍ତି ଓଟିଭି ବିରୋଧରେ । ୯୪୬ ଡିସିମିଲ୍ ଜାଗାକୁ ଓଟିଭି ୬ରୁ ୭ ହଜାର ଟଙ୍କା ଦେଇ ତାଙ୍କଠାରୁ ନେଇଛି । ଏବେ ସେ ଜମି ଫେରି ପାଇବାକୁ ଅନୁରୋଧ କରିବା ସହ ନ୍ୟାୟ ଦାବି କରିଛନ୍ତି ।