OTVକୁ ସାନି ନୋଟିସ୍ କଲା ଶ୍ରମ ବିଭାଗ, ଆସନ୍ତାକାଲି ଆଲୋଚନା

ସାରୁଅ ଠିକା କର୍ମଚାରୀଙ୍କ ଆନ୍ଦୋଳନରେ ଆସିଛି ନୂଆ ମୋଡ । ଶ୍ରମିକଙ୍କ ଦାବିକୁ ଆଧାର କରି ଓଟିଭି କର୍ତ୍ତୃପକ୍ଷଙ୍କୁ ଶ୍ରମ ବିଭାଗ ନୋଟିସ କରିଥିଲା । ନୋଟିସର ଜବାବ ଓଟିଭି କର୍ତ୍ତୃପକ୍ଷ ରଖିଥିଲେ ହେଁ ତାହା ଆଦୌ ସନ୍ତୋଷଜନକ ନଥିବା କହିଛନ୍ତି ଡିଭିଜିନାଲ ଲେବର କମିଶନର ।

ଫଳରେ ଆଜି ପୁଣି ଶ୍ରମ ବିଭାଗ ଉଭୟ ପକ୍ଷଙ୍କୁ ସାନି ନୋଟିସ ଜାରି କରିଥିଲେ । ଆସନ୍ତା କାଲି  ଅପରାହ୍ଣ ୩ଟା ସମୟରେ ଶ୍ରମ କାର୍ଯ୍ୟାଳୟରେ ଉଭୟ ପକ୍ଷ ହାଜର ହୋଇ ଆଲୋଚନାରେ ସାମିଲ ହେବାକୁ ହୋଇଥିଲା ନୋଟିସ । ତେବେ ଏଥିରେ ପୁଣି ପରିବର୍ତ୍ତନ କରି ଆସନ୍ତାକାଲି ଦିନ ତିନିଟାରେ ହାଜର ହେବାକୁ ନୋଟିସ କରିଛି ଶ୍ରମ ବିଭାଗ । ଏଥିରେ ଠିକା ଶ୍ରମିକଙ୍କ ନିଯୁକ୍ତି ସର୍ତ୍ତାବଳୀ ଓ ମଜୁରୀ ସଂପର୍କୀତ ଦାବି ଉପରେ ଉଭୟ ପକ୍ଷଙ୍କ ମଧ୍ୟରେ ହେବ ଆଲୋଚନା ।