ପଦାରେ ପଡିଲା ଓଟିଭି ଗ୍ରୁପର ଅସଲ ଚେହେରା, ଠିକା କର୍ମଚାରୀଙ୍କୁ ଧମକ ଚମକ ଦେଇ କାମରୁ ବିଦା କରିଥିବା ଅଭିଯୋଗ
ଭୁବନେଶ୍ୱର: ପୁଣି ପଦାରେ ପଡିଲା ଓଟିଭି ଗ୍ରୁପର ଅସଲ ଚେହେରା । ପୂର୍ବରୁ ଦାଦାଗିରି କରି ବେଆଇନ ଭାବେ ଜମି ହାତେଇଥିଲେ । ଏବେ ଧମକ ଚମକ ଦେଇ ଠିକା କର୍ମଚାରୀଙ୍କୁ ବିଦା କରିଛନ୍ତି । ଯାହାର ପ୍ରତିବାଦରେ ସାରୁଅ ଓଟିଭି ଷ୍ଟୁଡିଓ ସମ୍ମୁଖରେ ଠିକା କର୍ମଚାରୀଙ୍କ ଧାରଣା ଦେଇଛନ୍ତି । କର୍ମଚାରୀଙ୍କୁ କାର୍ଯ୍ୟରୁ ବାରଣ କରିବା ଅଭିଯୋଗରେ ଧାରଣା ଦେଇଛନ୍ତି କର୍ମଚାରୀ ।
ଗତକାଲି ଧମକ ଚମକ ଦେବା ଅଭିଯୋଗରେ ସଂସ୍ଥାର ଇଞ୍ଜିନିୟର ଦୀନବନ୍ଧୁ ସାମନ୍ତରାୟ ଓ ସୁପର ଭାଇଜର ବିଶ୍ୱଜିତ ରାଉତରାୟଙ୍କୁ ଗିରଫ କରି କୋର୍ଟଚାଲାଣ କରିଥିଲା ପୋଲିସ । ଠିକା କର୍ମଚାରୀଙ୍କୁ ବାହାର କରିଦେବା, ଜୀବନରେ ମାରିଦେବା, ଜାତିଆଣ ମନ୍ତବ୍ୟକୁ କେନ୍ଦ୍ର କରି ଧମକ ଚମକ ଦେବା ଅଭିଯୋଗରେ ଉଭୟଙ୍କୁ ଗିରଫ କରାଯାଇଛି । ଘଟଣାରେ ଦୁଇ କର୍ମଚାରୀଙ୍କ ନାଁରେ ବାଘମାରୀ ଥାନାରେ ଏତଲା ଦିଆଯାଇଥିଲା ।
ପୂର୍ବରୁ ଦଳିତଙ୍କ ପ୍ରତି ହୋଇଥିବା ଅନ୍ୟାୟର ପ୍ରତିବାଦରେର ମହିଳା ବିକାଶ ସମିତିର ସଭାପତି ଓ ସଦସ୍ୟା ନିଜ ପଦରୁ ଇସ୍ତଫା ଦେଇଥିଲେ । ଠିକ ସେହିପରି ବେଆଇନ ଜମିରୁ ଜବରଦଖଲ ଉଚ୍ଛେଦ କରିଥିଲା ଖୋର୍ଦ୍ଧା ପ୍ରଶାସନ । ଏଥିସହ ଓଟିଭି ଏମଡି ଜଗି ମଙ୍ଗଦ ପଣ୍ଡାଙ୍କ ବାପା ରନ୍ଧିର ସିଂଙ୍କୁ ପଚରାଉଚରା କରିଥିଲା ବାଘମାରୀ ଥାନା ପୋଲିସ ।
