ସିଲ୍ ବନ୍ଦ ଲଫାଫା ଦେଖି ବିରକ୍ତି ପ୍ରକାଶ କଲେ ପ୍ରଧାନ ବିଚାରପତି…

ନୂଆଦିଲ୍ଲୀ: ୱାନ ରାଙ୍କ ୱାନ ପେନସନ ଯୋଜନାରେ କେନ୍ଦ୍ରକୁ ଜୋରଦାର ଝଟକା । ବକେୟା ଦେବା ନେଇ କେନ୍ଦ୍ରର ସିଲ ବନ୍ଦ ଲଫାପାକୁ ଗ୍ରହଣ କରିବାକୁ ସିଧା ମନା କରିଦେଇଛନ୍ତି ସୁପ୍ରିମୋକୋର୍ଟ । ଆଜି ଏ ନେଇ ଶୁଣାଣି ଥିବାବେଳେ କେନ୍ଦ୍ରର ବନ୍ଦ ଲଫାପା ପଲିସିକୁ ବନ୍ଦ କରିବାକୁ କଡ଼ା ନିର୍ଦ୍ଦେଶ ଦେଇଛନ୍ତି ପ୍ରଧାନ ବିଚାରପତି । ସିଲ୍ ବନ୍ଦ ଲଫାଫା ଦିଆଯିବାକୁ ନେଇ ପ୍ରଧାନବିଚାରପତି ଆଟର୍ଣ୍ଣି ଜେନେରାଲଙ୍କୁ କଡ଼ା ଶବ୍ଦରେ ଚେତାବନୀ ଦେଇଛନ୍ତି । ସେ ଏହି ପ୍ରକାରର ଲଫାଫାକୁ ନ୍ୟାୟିକ ସିଦ୍ଧାନ୍ତ ବିରୋଧୀ ବୋଲି କହିଛନ୍ତି । ମଙ୍ଗଳବାର ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ କୋର୍ଟରେ ସିଲବନ୍ଦ ଲଫାଫାର ବ୍ୟବହାରକୁ ନେଇ ଆପତ୍ତି ପ୍ରକାଶ କରିଥିଲେ । ସେ କହିଥିଲେ ଆମେ କୌଣସି ବି ଗୋପନୀୟ ଦସ୍ତାବିଜ ବା ସିଲବନ୍ଦ ଲଫାଫା ନେବୁ ନାହିଁ ଏବଂ ମୁଁ ବ୍ୟକ୍ତିଗତ ଭାବେ ଏହାର ବିରୋଧୀ ଅଟେ ।

ଅଦାଲତରେ ସ୍ୱଚ୍ଛତା ରହିବା ଆବଶ୍ୟକ । କୋର୍ଟରେ କୌଣସି ଗୋପନୀୟତାର ଆବଶ୍ୟକତା ନାହିଁ । ସେ ସ୍ପଷ୍ଟ ଭାବେ କହିଥିଲେ ଯେ ସେ ସିଲବନ୍ଦ ଲଫାଫାର ବ୍ୟବହାରକୁ ବନ୍ଦ କରିବାକୁ ଚାହୁଁଛନ୍ତି । ସେ ଆଟର୍ଣ୍ଣି ଜେନେରାଲଙ୍କୁ କହିଥିଲେ ଯଦି ସୁପ୍ରିମକୋର୍ଟ ଏହାର ପାଳନ କରୁଛନ୍ତି ତେବେ ହାଇକୋର୍ଟ ମଧ୍ୟ କରିବେ । ଏଥିସହିତ ସେ ସରକାରଙ୍କ ସର୍ବୋଚ୍ଚ ଓକିଲଙ୍କୁ ଲଫାଫାରେ ବନ୍ଦ ସୂଚନାକୁ ପଢ଼ିକି ଶୁଣାଇବା ବା ଫେରାଇ ନେବାକୁ କହିଥିଲେ । ସିଜେଆଇ କହିଥିଲେ, ଏହା ସେତେବେଳେ ଗ୍ରହଣ କରାଯିବ ଯେତେବେଳେ ସୂତ୍ରଙ୍କ ସମ୍ବନ୍ଧରେ ସୂଚନା ଥିବ ବା କାହାର ଜୀବନ ପ୍ରତି ବିପଦ ଥିବ ।