ଚନ୍ଦ୍ରଯାନ-୩ ମିଶନରେ ଓଡ଼ିଆ ପୁଅ, ରାଜ୍ୟ ପାଇଁ ଗୌରବ ଆଣିଲେ କେନ୍ଦ୍ରାପଡ଼ାର ଶୁଭାଶିଷ

ପାଟକୁରା: ଚନ୍ଦ୍ରାଯାନ-୩ରେ ଓଡ଼ିଆ ପୁଅ ସୁଭାଶିଷ । ଗତକାଲି ଆନ୍ଧ୍ର ଶ୍ରୀହରିକୋଟାର ସତୀଶ ଧାଓ୍ବନ ସ୍ପେସ୍ ସେଣ୍ଟରରୁ ସଫଳତାର ସହ ଚନ୍ଦ୍ରଯାନ-୩ ଉତକ୍ଷେପଣ କରାଯାଇଛି । ଦ୍ବିତୀୟ ଲଞ୍ଚପ୍ୟାଡରୁ GSLV-3 ହେଭି ଲିଫ୍ଟ ଲଞ୍ଚ ଭେହିକିଲରେ ଚନ୍ଦ୍ରଯାନର ସଫଳ ଲଞ୍ଚିଂ ହୋଇଛି । ଏହି ମିଶନରେ ସାମିଲ ହୋଇ ଓଡ଼ିଶା ପାଇଁ ଗୌରବ ଆଣିଛନ୍ତି କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକ ମୁକୁନ୍ଦପୁର ଗାଁର ୨୮ ବର୍ଷୀୟ ଯୁବକ ସୁଭାଶିଷ ନାୟକ । ସେ ISROରେ ଟେକ୍ନିସିଆନ୍ ଭାବେ କାର୍ଯ୍ୟରତ ଅଛନ୍ତି । ବାପା ତାଙ୍କର ଚାନ୍ଦୋଳ ବଜାରରେ ଛୋଟିଆ ପୂଜା ସାମଗ୍ରୀ କରି ପରିବାର ପ୍ରତିପୋଷଣ କରନ୍ତି । ସୁଭାଶିଷ ଦଶମ ପାସ ପରେ ଆଇଟିଆଇ ଶିକ୍ଷା ଅର୍ଜନ ପରେ ୨୦୧୮ ମସିହାରେ ଇସ୍ରୋରେ ଚାକିରୀ ପାଇଥିଲେ ।