କରୋନା ମହାମାରୀ ସମୟରେ କର୍ମୀଙ୍କୁ ବିନା ସୂଚନାରେ ବହିଷ୍କାର ପାଇଁ OPTCL କର୍ମଚାରୀଙ୍କ ଆନ୍ଦୋଳନ

ବୁର୍ଲା: ୫ଦିନରେ ପହଁଚିଲା OPTCL କର୍ମଚାରୀଙ୍କ  ଆନ୍ଦୋଳନ । ବୁର୍ଲାସ୍ଥିତ OPTCLର ମୁଖ୍ୟ କାର୍ଯ୍ୟାଳୟ ସମ୍ମୁଖରେ ସୁରକ୍ଷା କର୍ମଚାରୀଙ୍କ ବିକ୍ଷୋଭ ପ୍ରଦର୍ଶନ ଆଜି ମଧ୍ୟ ଜରିରହିଛି । ଦୀର୍ଘ ବର୍ଷ ହେବ କାର୍ଯ୍ୟକରୁଥିବା ଠିକା ସୁରକ୍ଷା କର୍ମୀଙ୍କୁ ବିନା ସୂଚନାରେ କାମରୁ ବହିଷ୍କାର କରାଯାଇଥିବା ଅଭିଯୋଗ ହୋଇଛି । ଏଭଳି କରୋନ ମହାମାରୀ ସମୟରେ କେମିତି କର୍ମଚାରୀ ମାନଙ୍କୁ ବାହାର କରାଯାଉଛି । ଏହାକୁ ବିରୋଧ କରି ସୁରକ୍ଷା କର୍ମୀ ଶତାଧିକ ସଂଖ୍ୟାରେ ଓପିଟିସିଏଲ କାର୍ଯ୍ୟାଳୟ ସମ୍ମୁଖରେ ନ୍ୟାୟ ଦାବିରେ ଧାରଣା ଦେବା ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି ।

OPTCL ବରିଷ୍ଠ ମହାପ୍ରବନ୍ଧକ ଗୋବିନ୍ଦ ସ୍ୱାଇଁ ଏବଂ ଉପ ମହାପ୍ରବନ୍ଧକ ଡି ସାହୁ, କର୍ତ୍ତୃପକ୍ଷ ଓ ସୁରକ୍ଷା କର୍ମଚାରୀ ସଂଘ କର୍ମକର୍ତ୍ତାଙ୍କ ମଧ୍ୟରେ ତ୍ରିପାକ୍ଷିକ ଆଲୋଚନା ହୋଇଥିଲା । ୧୫ ଦିନ ଭିତରେ ସମସ୍ୟାର ସମାଧାନ ନହେଲେ ତୃତୀୟ ସପ୍ତାହରୁ ପୁଣିଥରେ ସଂଘ ପକ୍ଷରୁ ଆନ୍ଦୋଳନ କରାଯିବ ବୋଲି କର୍ତ୍ତୃପକ୍ଷଙ୍କୁ ସୂଚିତ କରାଯାଇଛି । ଆଜିର ବିକ୍ଷୋଭ ପ୍ରଦର୍ଶନ ରେ ସମସ୍ତ ଡିଭିଜନରୁ ଶତାଧିକ ସୁରକ୍ଷା କର୍ମୀ ଉପସ୍ଥିତ ଥିଲେ । ତେବେ କୋଭିଡ ୧୯ ରେ କୌଣସି କର୍ମଚାରୀଙ୍କୁ ଛଟେଇ ନ କରାଯିବାକୁ ସ୍ପଷ୍ଟ ଆଦେଶ ସରକାରଙ୍କ ରହିଛି । ହେଲେ OPTCL ରେ ସରକାରଙ୍କ ନିୟମ ଲାଗୁ କଣ ପାଇଁ ହେଉନାହିଁ ବୋଲି ବିଶିଷ୍ଟ ଶ୍ରମିକ ନେତା ପ୍ରଶାନ୍ତ ପାଢୀ ପ୍ରଶ୍ନ କରିଛନ୍ତି ।