ଓପିଏସସି ଆଡ଼ମିଟ କାର୍ଡ଼ରେ ତ୍ରୁଟି, ଟ୍ୱିଟ ପରେ ସଂଶୋଧନ କରିବ ବିଭାଗ

ଭୁବନେଶ୍ୱର: ଓଡିଶା ପ୍ରଶାସନିକ ସେବା ୨୦୨୦ ପ୍ରିଲିମନାରୀ ପରୀକ୍ଷାର ଆଡ଼ମିଟ କାର୍ଡ଼ରେ ହୋଇଥିବା ତ୍ରୁଟି ସଂଶୋଧନ କରିଛି ଓପିଏସସି । ଅନେକ ଆଡମିଟ୍ କାର୍ଡରେ ତାରିଖ ଓ ପରୀକ୍ଷା କେନ୍ଦ୍ରର ନାଁ ଉଲ୍ଲେଖ ନଥିଲା । ଅନ୍ୟ ପଦବୀ ଲେଖାଥିବା ଆଡ଼ମିଟ କାର୍ଡ ମଧ୍ୟ ଛାତ୍ରଛାତ୍ରୀଙ୍କ ମୁଣ୍ଡ ବିନ୍ଧାର କାରଣ ପାଲଟିଥିଲା । ଏନେଇ ଟ୍ୱିଟ ଯୋଗେ ଛାତ୍ର ଛାତ୍ରୀ ଅସନ୍ତୋଷ ପ୍ରକାଶ କରିଥିଲେ।

ଛାତ୍ରଛାତ୍ରୀ ଅସନ୍ତୋଷ ପ୍ରକାଶ କରିବା ପରେ ଓପିଏସସି ନଜରକୁ ଏହି ତ୍ରୁଟି ଆସିଥିଲା  ।  ପରେ ଏହା ଏକ ଟେକନିକାଲ ଏରର ଏବଂ ତ୍ରୁଟି ସୁଧାର କରାଯାଇଥିବା ପ୍ରେସ ରିଲିଜ ଜରିଆରେ ସୂଚନା ଦେଇଛି ଓପିଏସସି । ଯେଉଁ ସମସ୍ତ ଆଡମିଟ୍ କାର୍ଡରେ ତାରିଖ ଏବଂ ପରୀକ୍ଷା କେନ୍ଦ୍ରର ନାମ ଉଲ୍ଲେଖ ନଥିଲା  । ପରବର୍ତ୍ତୀ ସମୟରେ ଏହିସବୁ ତ୍ରୁଟିକୁ ସୁଧାରିବା ନେଇ ଜଣାଇଛି ଓପିଏସସି  ।