ଯାଜପୁରରେ ଉପନିର୍ବାଚନ ହେବାର କୌଣସି ସମ୍ଭାବନା ନାହିଁ: ଜିଲ୍ଲା ବିଜେଡି ସଭାପତି

ଯାଜପୁର: ବିଜେଡି ନେତା ପ୍ରଣବ ପ୍ରକାଶ ଦାସଙ୍କ ଭାଷଣକୁ ନେଇ ବିରୋଧୀ ଓ ନିର୍ଦ୍ଦିଷ୍ଟ ଗଣମାଧ୍ୟମର ଅପପ୍ରଚାର ପ୍ରସଙ୍ଗ । ବିରୋଧୀ ଓ ନିର୍ଦ୍ଦିଷ୍ଟ ଗଣମାଧ୍ୟମ ଉପରେ ବର୍ଷିଛନ୍ତି ଯାଜପୁର ଜିଲ୍ଲା ବିଜେଡି ସଭାପତି ସରୋଜ ମହାପାତ୍ର । କହିଲେ- ଯାଜପୁର ନିର୍ବାଚନ ମଣ୍ଡଳୀରେ ଉପନିର୍ବାଚନ ହେବାର କୌଣସି ସମ୍ଭାବନା ନାହିଁ । ବିରୋଧୀ ଓ ନିର୍ଦ୍ଧିଷ୍ଟ ଗଣମାଧ୍ୟମ ଏ ନେଇ ଅପପ୍ରଚାର କରୁଛନ୍ତି । ଯାଜପୁରର ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସଙ୍କ ପାଇଁ ବିଧାୟକ ହେବାର ଆବଶ୍ୟକତା ନାହିଁ । ନିଜେ ଏକା ଶାସକ ଦଳକୁ ମୁକାବିଲା କରିବାକୁ ସେ ସମର୍ଥ ।

ଗତକାଲି ପ୍ରଣବଙ୍କ ଭାଷଣକୁ ଭୁଲ ଭାବେ ଉପସ୍ଥାପିତ କରିଛନ୍ତି ବିରୋଧୀଙ୍କ ସମେତ କେତେକ ନିର୍ଦ୍ଧିଷ୍ଟ ଗଣମାଧ୍ୟମ । ଗତକାଲି ବିଜେଡିର ଜନସମ୍ପର୍କ ପଦଯାତ୍ରା ଅବସରରେ ଜନସାଧାରଣଙ୍କୁ ସମ୍ବୋଧିତ କରି ପ୍ରଣବ ପ୍ରକାଶ ଦାସ କହିଥିଲେ ଯେ, ଦରକାର ପଢିଲେ ଯାଜପୁରବାସୀଙ୍କ ପାଇଁ ଯାଜପୁରର ବିକାଶ ପାଇଁ ଲଢିବି । ପ୍ରଣବଙ୍କ ଏହି ଭାଷଣକୁ ନେଇ ବିରୋଧୀ ପ୍ରସଙ୍ଗ କରିଥିବାରୁ ସମାଲୋଚନା କରିଛନ୍ତି ବିଜେଡି ବିଧାୟିକା ସୁଜାତା ସାହୁ । ଗଣେଶ୍ଵର ମଧ୍ୟ କହିଛନ୍ତି, ପ୍ରଣବ ପ୍ରକାଶ ଦାସ ଲୋକଙ୍କ ପାଇଁ ଲଢ଼ିବା କଥା କହିଛନ୍ତି । ନିର୍ବାଚନ ଲଢ଼ିବା କଥା କହି ନାହାନ୍ତି ।