ପାଟଣା ବିଜେପି ପ୍ରାର୍ଥୀଙ୍କ ପ୍ରାର୍ଥିତ୍ୱକୁ ବିରୋଧ

କେନ୍ଦୁଝର: ପାଟଣା ବିଜେପି ପ୍ରାର୍ଥୀଙ୍କ ପ୍ରାର୍ଥିତ୍ୱକୁ ବିରୋଧ। କେନ୍ଦୁଝର ଜିଲ୍ଲା ପାଟଣା ବିଧାନସଭା ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀ ଅଖିଳ ଚନ୍ଦ୍ର ନାଏକଙ୍କ ପ୍ରାର୍ଥୀତ୍ୱକୁ ବିଜେପିର ଅନ୍ୟ ଏକ ଗୋଷ୍ଠୀର ବିରୋଧ। ଜିଲ୍ଲା ଯୁବ ବିଜେପିର ସଭାପତି ସବିର ଦାଶଙ୍କ ନେତୃତ୍ଵରେ ବିଜେପି କର୍ମୀ ଜିଲ୍ଲା ବିଜେପି କାର୍ଯ୍ୟାଳୟରେ ପହଞ୍ଚି ବିରୋଧ ପ୍ରଦର୍ଶନ କରିଛନ୍ତି।

ପାଟଣା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାବେ ଅଖିଳ ଚନ୍ଦ୍ର ନାଏକଙ୍କୁ ବିଜେପି ଘୋଷଣା କରିଥିଲା । ଏହି ସମୟରେ ଅଖିଳ ଚନ୍ଦ୍ର ନାଏକ ଜିଲ୍ଲା ବିଜେପି କାର୍ଯ୍ୟାଳୟରେ ଉପସ୍ଥିତ ଥିଲେ। ସେ ନିର୍ବାଚନ ମଣ୍ଡଳୀର ୫୬ଟି ପଞ୍ଚାୟତର ଜନସାଧାରଣଙ୍କ ସମସ୍ୟା ସମ୍ପର୍କରେ ଭଲଭାବେ ଅବଗତ ଥିବା ଓ ନିର୍ବାଚନ ଜିତିବା ନେଇ ଆଶାବାଦୀ ଥିବା ଗଣମାଧ୍ୟମକୁ ସୂଚନା ଦେଇଥିଲେ। ଏହାର କିଛି ସମୟ ପରେ ସବୀର ଦାଶଙ୍କ ନେତୃତ୍ଵରେ କିଛି ବିଜେପି କର୍ମୀ ଜିଲ୍ଲା କାର୍ଯ୍ୟାଳୟରେ ପହଞ୍ଚି ଅଖିଳ ଚନ୍ଦ୍ର ନାଏକଙ୍କ ପ୍ରାର୍ଥୀତ୍ୱକୁ ନେଇ ବିରୋଧ ପ୍ରଦର୍ଶନ କରିଥିଲେ ।