‘ପ୍ରଚାର ସର୍ବସ୍ଵ ରାଜ୍ୟ ସରକାର, କେବଳ ଭାଷଣବାଜିରେ ଗଲାଣି ପ୍ରଥମ ୬ ମାସ’

ଭୁବନେଶ୍ବର : ଭାଷଣବାଜି ଭିତରେ ମୋହନ ସରକାରକୁ  ୬ମାସ ପୁରିଛି । ସଫଳତା ଅପେକ୍ଷା ବିଫଳତାର ଲମ୍ବା ତାଲିକା ଜଳଜଳ କରି ଦିଶୁଛି ଶାସନ ବ୍ୟବସ୍ଥାରେ। ନିର୍ବାଚନୀ ପ୍ରତିଶୃ୍ତି ବି ପାଣିର ଗାର ସାଜିଛି ।  ଓଡ଼ିଶା ବିକାଶକୁ ଆଗେଇନେବାରେ ଡ଼ବଲ ଇଂଜିନ ସରକାର ଲାଇନ ଯୁକ୍ତ  ହୋଇଛି । ନିର୍ବାଚନୀ ପ୍ରତିଶୃ୍ତି ବି ପାଣିର ଗାର ସାଜିଛି  । ମା ମାନେ ରାଜରାସ୍ତାକୁ ଓହ୍ଲାଇଥିବା ବେଳେ ମଣ୍ଡିରେ ଚାଷୀ କାନ୍ଦୁଛି । ଆଇନ ଶୃଙ୍ଖଳା ପରିସ୍ଥିତି ବିଗିଡ଼ିଯାଇଥିବା ବେଳେ ଦରଦାମ ନିୟନ୍ତ୍ରଣ ବାହାରକୁ ଚାଲିଯାଇଛି । ଓଡ଼ିଶାବାସୀ ହନ୍ତସନ୍ତ , ୬ମାସ ସଫଳତାର ବାହାସ୍ପୋଟ ମାରୁଛି ଶାସକ ଦଳ ।  ରାଜ୍ୟରେ ପ୍ରଥମ ଥର ଲାଗି ବିଜେପି ସରକାର ଗଠନ କରିବାର ୬ ମାସ ପରେ ଏପରି ମାଳମାଳ ବିଫଳତାକୁ ସାମ୍ନାକୁ ଆଣି ସରକାରଙ୍କ ଉପରେ ବର୍ଷିଛନ୍ତି ଦୁଇ ବିରୋଧୀ ବିଜେଡ଼ି ଓ କଂଗ୍ରେସ । ବିଜେପି ସରକାର ଭାଷଣବାଜିରେ ଚାଲିଥିବା ବରିଷ୍ଠ ବିଜେଡ଼ି ନେତା ଭୂପିନ୍ଦର ସିଂହ ଓ ବରିଷ୍ଠ କଂଗ୍ରେସ ନେତା ଜୟଦେବ ଜେନା ଅଭିଯୋଗ କରିଛନ୍ତି । ବିଜେଡ଼ି କହିଛି ଯେ ରାଜଧର୍ମ ପାଳନ କରିବାରେ ବିଫଳ ହୋଇଛି ରାଜ୍ୟର ବିଜେପି ସରକାର । ଫଳରେ ଚାଷୀମାନେ ଆଜି କାନ୍ଦୁଛନ୍ତି ଓ ଓଡ଼ିଶାରେ ବିକାଶମୂଳକ କାର୍ଯ୍ୟକ୍ରମ ଠପ ହୋଇଯାଇଛି । ଅନ୍ୟପଟେ କଂଗ୍ରେସ କହିଛି କୁଆଡ଼େ ଗଲା ବିଜେପିର ନିର୍ବାଚନୀ ପ୍ରତିଶ୍ରୃତି । କାହାକିଁ ଭତ୍ତା ୩୫୦୦ ଟଙ୍କା,  ୨ ବର୍ଷରେ ମହିଳାଙ୍କୁ ୫୦ ହଜାର ଟଙ୍କା, ମାଗଣା ବିଜୁଳି ସହ ଓଡ଼ିଆ ଅସ୍ମିତା ନାରା ଆଜି ଚୁଲିଛି ଯାଇଛି ।

୬ମାସର ବିଜେପି ଶାସନରେ ବିକାଶ ସଂପୂଣ୍ଣ ଠପ ହୋଇଥିବା ବେଳେ  ରାଜ୍ୟକୁ ଅନାହର ମୃତ୍ୟୁ ଫେରିଛି । ଖାଦ୍ୟ ଅଭାବରୁ ଲୋକେ ଆମ୍ବ ଟାକୁଆ ଖାଇ ମୃତ୍ୟୂ ହୋଇଛନ୍ତି । ମହାନଦୀ, ପୋଲାଭରମ, ଶିଶୁ ବିକ୍ରୀ , ଆଦିବାସୀଙ୍କୁ ଅବହେଳା ଓ ନାରୀ ନିର୍ଯ୍ୟାତନାକୁ ବିଜେପି ମନ୍ତ୍ରୀଙ୍କ ବିଫଳତାର ବଡ଼ ନିଦର୍ଶନ ସାମ୍ନାକୁ ଆସିଛି । ମୋହନ ସରକାରଂକ ୬ମାସ ନେଇ ବର୍ଷିଛନ୍ତି ବରିଷ୍ଠ ରାଜନେତା ବିଜୟ ମହାପାତ୍ର । କାଟାକ୍ଷ କରି କହିଛନ୍ତି ଯେ  ୬ମାସରେ ପିଲାମାନେ ତାଙ୍କର  ପ୍ରୋଗେସ ରିପୋର୍ଟ ଦିଅନ୍ତି l ହେଲେ ଏ ସରକାର କିନ୍ତୁ କେବଳ ବୟାନବାଜିରେ ସୀମିତ ରହିଛି । ଅନ୍ୟପଟେ  ବିଜେପି ସରକାରକୁ ନେଇ ବିରୋଧୀଙ୍କ ଅଭିଯୋଗର ପାଲଟା ଜବାବ ଦେଇଛି ବିଜେପି । ବିଜେପି ବିଧାୟକ ଅଶୋକ ମହାନ୍ତି କହିଛନ୍ତି ଯେ ବିଜେପି ଯାହା ପ୍ରତିଶ୍ରୃତି ଦେଇଛି ତାହାକୁ ପାଳନ କରିଛି । ବିଜେଡ଼ି କିନ୍ତୁ ବିଜେପି ଜବାବକୁ ଗ୍ରହଣ କରିନାହିଁ ।

୬ମାସର ବିଜେପି ସରକାର ୨୧ ଟି ଯୋଜନାର ନାଁ ପରିବର୍ତ୍ତନ କରିଛନ୍ତି। ବିଧାନସଭାକୁ ଭୟ କରି ଅଧାରୁ ଗୃହକୁ ବନ୍ଦ କରିଥିବା ବିରୋଧୀ ଅଭିଯୋଗ କରିଛନ୍ତି । ବିକାଶମୂଳକ କାମ ଅପେକ୍ଷା ରଙ୍ଗ ବଦଳାଇବା ଓ  ଯୋଜନାର ନାଁ ପରିବର୍ତ୍ତନ କରିବାରେ ସରକାର ପ୍ରାଥମିକତା ଦେଇଛନ୍ତି  ସରକାର । ଡ଼ବଲ ଇଂଜିନ ସରକାରରେ ଓଡ଼ିଶା ତାର ପ୍ରାପ୍ୟ ପାଇବକି ନାହିଁ ତାହାକୁ ନେଇ ସନ୍ଦେହ ସୃଷ୍ଟି ହୋଇଥିବା ବେଳେ  ପୂର୍ବତନ ରେଳବାଇ  ସଙ୍କୋଚିତ ହୋଇଛି  । ସରକାରଙ୍କ କଥା ଓ କାମରେ ତାଳମେଳ ରହୁନଥିବାରୁ ସାଧାରଣରେ ଅସନ୍ତୋଷ ଦେଖାଦେଇଛି ।