ଦିଲ୍ଲୀ ସରକାର ଭାଙ୍ଗିବାକୁ ଉଦ୍ୟମ କରୁଥିଲା ବିଜେପି, ଆପ୍ ବିଧାୟକଙ୍କୁ ଦେଇଥିଲା ୫ କୋଟିର ଅଫର୍
ନୂଆଦିଲ୍ଲୀ: ଦିଲ୍ଲୀରେ ଫେଲ୍ ମାରିଲା ଅପରେସନ ଲୋଟସ୍ । ଦିଲ୍ଲୀ ସରକାର ଭାଙ୍ଗିବାକୁ ଉଦ୍ୟମ କରିଥିଲା ବିଜେପି । ବିଜେପି ବିରୋଧରେ ଏଭଳି ସଙ୍ଗୀନ ଅଭିଯୋଗ ଆଣିଛି ଆମ୍ ଆଦ୍ମୀ ପାର୍ଟି । ସରକାର ଭାଙ୍ଗିବା ପାଇଁ ଆପ୍ ବିଧାୟକଙ୍କୁ ୫ କୋଟି ଟଙ୍କା ଅଫର ଦିଆଯାଇଥିବା ଦଳ କହିଛି । ତେବେ ଦିଲ୍ଲୀରେ ବିଜେପିର ଅପରେସନ୍ ଲୋଟସ୍ ଫେଲ୍ ମାରିଛି । ଗତକାଲି ଦିଲ୍ଲୀ ଡେପୁଟି ସିଏମ୍ ମନୀଷ ସିସୋଦିଆ ମଧ୍ୟ ସମାନ ଅଭିଯୋଗ ଆଣିଥିଲେ ।
ଆପ୍ ଛାଡ଼ି ବିଜେପିରେ ମିଶିଲେ ସବୁ ମାମଲା ବନ୍ଦ କରିବାକୁ ବିଜେପି ଅଫର ଦେଇଥିବା ସିସୋଦିଆ କହିଥିଲେ । ଏଥିସହ ସେ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ହେବେ ବୋଲି ତାଙ୍କୁ ବିଜେପି ମେସେଜ୍ ଦେଇଥିବା କହିଥିଲେ । ଏନେଇ ଆପ୍ ପକ୍ଷରୁ ଖୁବ୍ ଶୀଘ୍ର ବଡ଼ ଖୁଲାସା କରାଯିବ ବୋଲି ଦଳ ପକ୍ଷରୁ କୁହାଯାଇଛି ।
