Online Sale: କ୍ରେଡିଟ କାର୍ଡ, ଡେବିଟ କାର୍ଡ ହେଉ ବା କ୍ୟାସ ଅନ ଡେଲିଭରୀ, କେମିତି କରିବେ ପେମେଣ୍ଟ ?

ଅନଲାଇନ ପେମେଣ୍ଟ ଦିନକୁ ଦିନ ବଢିବା ସହିତ, ଅନଲାଇନ ଟଙ୍କା ଠକେଇ ମଧ୍ୟ ବଢ଼ିବାରେ ଲାଗିଛି । ବର୍ତ୍ତମାନ ପାର୍ବଣ ଋତୁ ଚାଲିଥିବାବେଳେ ଅନେକ ଅନଲାଇନ ଆପରେ ସେଲ ଆରମ୍ଭ ହୋଇଛି । ତେବେ ଏହି ପାର୍ବଣରେ ସେଲ ଗୁଡ଼ିକର ମଜା ନେବା ପାଇଁ ଆପଣଙ୍କୁ କେମିତି ପେମେଣ୍ଟ କରିବା ଆବଶ୍ୟକ ? ଆପଣ ନଗଦ କ୍ୟାସ ପେମେଣ୍ଟ ହେଉ ବା ଡେବିଟ କାର୍ଡ, କ୍ରେଡିଟ କାର୍ଡ କେମିତି କରିବେ ପେମେଣ୍ଟ ଜାଣନ୍ତୁ ।

ପେମେଣ୍ଟର ରହିଛି ଅନେକ ଚଳନ

ଅନଲାଇନ କମ୍ପାନୀ ଗୁଡ଼ିକ ସାଧାରଣତଃ ପେମେଣ୍ଟ ପାଇଁ ଅନେକ ପ୍ରକାର ପଦ୍ଧତି ଦେଇଥାନ୍ତି । ଏଥିରେ କ୍ରେଡିଟ କାର୍ଡ, ଡେବିଟ କାର୍ଟ ଏବଂ କ୍ୟାସ ଅନ ଡେଲିଭରୀ ସବୁଠୁ ବେଶୀ ପ୍ରଚଳିତ ପଦ୍ଧତି ଅଟେ । ବର୍ତ୍ତମାନ ୱଲେଟ ପେମେଣ୍ଟ ମଧ୍ୟ ଖୁବ ପ୍ରଚଳିତ ।  ଆମାଜନ ନିଜର ୱଲେଟ ଆରମ୍ଭ କରିସାରିଛି । କମ୍ପାନୀର କହିବା ମୁତାବକ ଯଦି ଗ୍ରାହକ ୱଲେଟରୁ ପେମେଣ୍ଟ କରୁଛନ୍ତି ତେବେ ତାଙ୍କୁ ମଧ୍ୟ ଆକର୍ଷଣୀୟ ପ୍ରତ୍ସାହନ ମିଳିବ ।

ଡେବିଟ କାର୍ଡ Worst Financial Tool

ସାଇବର ଫ୍ରଡ୍ ବିଶେଷଜ୍ଞ ଫ୍ରେଙ୍କ ଏବାଗନେଲ ମିଡିଆରେ ଏକ ଲେଖା ମାଧ୍ୟମରେ ଚେତାବନୀ ଦେଇଛନ୍ତି ଯେ, ଡେବିଟ କାର୍ଡକୁ କେବେ ବ୍ୟବହାର କରିବା ଉଚିତ ନୁହେଁ । ଏହାକୁ ସେ ସବୁଠୁ ଖରାପ ଆର୍ଥିକ ଟୁଲ ବୋଲି ବିବେଚନା କରିଛନ୍ତି । ତାଙ୍କ କହିବା ମୁତାବକ ଆପଣ ଯେବେବି ଅନଲାଇଲ ପେମେଣ୍ଟ ପାଇଁ ଡେବିଟ କାର୍ଡର ବ୍ୟବହାର କରନ୍ତି, ଆପଣଙ୍କ ଟଙ୍କା ଏବଂ ବ୍ୟାଙ୍କ ଆକାଉଣ୍ଟ ବିପଦରେ ପଡ଼ିଥାଏ । ଯଦି ଆପଣଙ୍କ ଡେବିଟ କାର୍ଟ କୌଣସି ଫ୍ରଡ ହାତରେ ଲାଗିଯାଏ ତେବେ କ୍ଷଣିକ ଭିତରେ ଆପଣଙ୍କ ଟଙ୍କା ଚୋରୀ ହେବାର ସମ୍ଭାବନା ରହିଛି ।

କ୍ରେଡିଟ କାର୍ଡ ବ୍ୟବହାର କରନ୍ତୁ

ଏବାଗନେଲଙ୍କ କହିବା ଅନୁଯାୟୀ ଡେବିଟ କାର୍ଡ ବ୍ୟବହାର କରିବା ସବୁଠୁ ସୁରକ୍ଷିତ । କାରଣ ଏହା ଦ୍ୱାରା ଆପଣ ଅନେକ ଲାଭ ପାଇପାରିବେ । ସର୍ବପ୍ରଥମେ କ୍ରେଡିଟ କାର୍ଡ ସାହାଯ୍ୟରେ ଆପଣ କ୍ରେଡିଟ କାର୍ଡ କମ୍ପାନୀର ଟଙ୍କା ଖର୍ଚ୍ଚ କରି ଏହାକୁ ୨ ମାସ ପରେ ଟଙ୍କା ପେମେଣ୍ଟ କରିପାରିବେ । ଦ୍ୱିତୀୟରେ, କାର୍ଡରେ କ୍ରେଡିଟ ସୀମା ରହିଥାଏ । ଯଦି ଏହା କୌଣସି ଫ୍ରଡ ହାତରେ ଲାଗି ଯାଏ ତେବେ ସେ ଆପଣଙ୍କ କାର୍ଡରେ ସୀମା ବାହାରକୁ ଯାଇ ଅଧିକ ଖର୍ଚ୍ଚ କରିପାରିବ ନାହିଁ । ତୃତୀୟରେ, ଯେତେବେଳେ ଏକ ବଡ ଡାଟା ବ୍ରେକ୍ ସୂଚିତ ହୁଏ, କ୍ରେଡିଟ୍ କାର୍ଡ ପ୍ରଦାନ କରୁଥିବା କମ୍ପାନୀ ଆପଣଙ୍କ କାର୍ଡକୁ ବାତିଲ୍ କରି ଏକ ନୂତନ କାର୍ଡ ପଠାଇଥାଏ ।

କ୍ୟାସ ଅନ ଡେଲିଭରୀ ପଦ୍ଧତି ମଧ୍ୟ ସୁବିଧାଜନକ

ଯଦି ଆପଣଙ୍କ ପାଖରେ କ୍ରେଡିଟ କାର୍ଡ ନାହିଁ ତେବେ ଡେବିଟ କାର୍ଡର ବ୍ୟବହାର ଖୁବ ସତର୍କ ହୋଇ କରନ୍ତୁ । ଚେଷ୍ଟା କରନ୍ତୁ ଯେ, ଇ କମର୍ସ କମ୍ପାନୀ ଆପଣଙ୍କ ପାଖରୁ କ୍ୟାସରେ ହିଁ ଟଙ୍କା ନେଉ । ଏହି ପ୍ରକ୍ରିୟାରେ ଆପଣଙ୍କ ଆକାଉଣ୍ଟର ଡିଟେଲ ଆଉ କାହା ପାଖକୁ ଯିବାର ଆଶଙ୍କା ରହିବ ନାହିଁ ।

ଡେବିଟ କାର୍ଡ ବ୍ୟବହାର ବେଳେ ନଜରରେ ରଖନ୍ତୁ ଏହି କଥା

ଆପଣ ଯେତେବେଳେ ଡେବିଟ କାର୍ଡର ବ୍ୟବହାର କରିବାବେଳ ସେହି ଡେବିଟ କାର୍ଡ ବ୍ୟବହାର କରନ୍ତୁ ଯେଉଁଥିରେ ଅଳ୍ପ ଟଙ୍କା ଥିବ । ଯେଉଁ ଆକାଉଣ୍ଟରେ ଆପଣଙ୍କର ଦରମା ବା ବିଜନେସର ଟଙ୍କା ଆସେ ସେହି ଡେବିଟ କାର୍ଡର ବ୍ୟବହାର ଅନଲାଇନ ପେମେଣ୍ଟରେ ବ୍ୟବହାର କରନ୍ତୁ ନାହିଁ ।