ଅନଲାଇନ ଠକକୁ ଗିରଫ କଲା କମିଶନରେଟ ପୋଲିସ: ଠକି ନେଇଥିଲା ୧୩ ଲକ୍ଷ
ଅନଲାଇନ ଠକକୁ ଗିରଫ କଲା କମିଶନରେଟ ପୋଲିସ। କଟକ ଜଗତପୁର ବହୁଗ୍ରାମ ଅଂଚଳ ର ସୁବାସ ଚନ୍ଦ୍ର ଜେନାଙ୍କ ଠାରୁ ଅନଲାଇନ ରେ 13 ଲକ୍ଷ 72 ହଜାର 70 ଟଙ୍କା ଠକେଇ କରିଥିବା ଜଣେ ଯୁବକକୁ କମିଶନରେଟ ପୋଲିସ ଗିରଫ କରିଛି।। ଅଭିଯୁକ୍ତ ଝାରସୁଗୁଡା ବେଲପାହାଡ ଅଂଚଳ ର ଅନୁରାଗ ପଟ୍ଟନାୟକ। ଗତ ମେ 16 ତାରିଖରୁ 29 ତାରିଖ ମଧ୍ଯ ରେ ନିବେଶ ଟଙ୍କା ଦୁଇ ଗୁଣା ହେବ ବୋଲି ଲୋଭ ଦେଖାଇ ଏହି ଟଙ୍କା ଠକି ନେଇଥିଲା। ପରେ ନିବେଶକାରୀ ଠକେଇର ଶୀକାର ହୋଇ ଥିବା ଜାଣି ସାଇବର ଥାନାର ଦ୍ବାରସ୍ଥ ହୋଇଥିଲେ। ପୋଲିସ ତଦନ୍ତ କରି ଝାରସୁଗୁଡାର ଏହି ଅଭିଯୁକ୍ତ ଯୁବକକୁ ଗିରଫ କରିଛି। ତାଠାରୁ ପୋଲିସ ଗୋଟିଏ ମୋବାଇଲ, ଆଧାର କାର୍ଡ, ପ୍ୟାନ କାର୍ଡ ଓ ଏକ ଘରୋଇ ବ୍ୟାଙ୍କର ଚେକ୍ ବୁକ ଜବତ କରିଛି।
