ଅନଲାଇନ୍ ଅଫରରେ ୬୦ କୋଟି ଚଳୁ, ୯୯ ପ୍ରତିଶତ ସୁଧ ଲୋଭ ଦେଖାଇ ଲୁଟିନେଲେ

କଟକ: ଲୋଭନୀୟ ସ୍କିମରେ ଫଶିଲେ ଶହ ଶହ ଜମାକାରୀ । ଅନଲାଇନରେ ଠକ ସଂସ୍ଥା ପ୍ରାୟ ୬୦ କୋଟି ଟଙ୍କା ଠକିନେଇଥିବା ଅଭିଯୋଗ ହୋଇଛି । ଓଡ଼ିଶା ଓ ଝାଡ଼ଖଣ୍ଡର ଅନେକ ଜମାକାରୀ ଏହି ଠକାମିର ଶିକାର ହୋଇଛନ୍ତି । ଏନେଇ କଟକ ସାଇବର ସେଲରେ ଅଭିଯୋଗ କରିଛନ୍ତି ମୟୂରଭଞ୍ଜ କରଞ୍ଜିଆ ଅଞ୍ଚଳର କେତକ ଜମାକରୀ ।

କ୍ଲାଉଡ୍ ଆସେଟ୍ ମ୍ୟାନେଜମେଣ୍ଟ ନାମର ଏକ ୱେବସାଇଟ୍ ଜରିଆରେ ଲୋକଙ୍କୁ ଲୋଭନୀୟ ସୁଧ ପ୍ରତିଶ୍ରୁତି ଦେଇ ଠକା ଯାଇଥିବା ଅଭିଯୋଗ ହୋଇଛି । ଏକ ହଜାର ଟଙ୍କା ଜମା ଉପରେ ମାସିକ ୯୯୪ ଟଙ୍କା ସୁଧ ଲୋଭ ଦେଖାଇଥିଲା ସଂସ୍ଥା । ସଂସ୍ଥାର ଲିଙ୍କ୍ ଯେତେ ଲୋକଙ୍କୁ ସେୟାର କରିବେ ତା ଉପରେ କ୍ୟାସବ୍ୟାକ୍ ବ୍ୟବସ୍ଥା ରଖିଥିଲା ସଂସ୍ଥା । ତେବେ କିଛି ହେବ ୱେବସାଇଟଟି କାମ ନକରିବାରୁ ଜମାକାରୀ ଠକେଇର ଶିକାର ହୋଇଥିବା ଜାଣିଥିଲେ ।