ଅନଲାଇନ୍ କ୍ରିକ୍ରେଟ୍ ବେଟିଂ ଅଭିଯୋଗରେ ୩ ଗିରଫ: ୧ଲକ୍ଷ୨୬ହଜାର ଟଙ୍କା ଜବତ
ଗୁଣୁପୁର: ଅନ୍ ଲାଇନ୍ କ୍ରିକେଟ୍ ବେଟିଂ ଅଭିଯୋଗରେ ୩ ଜୁଆଡି ଗିରଫ କରିଛି ଗୁଣୁପୁର ପୋଲିସ୍ । ୬ ମୋବାଇଲ୍ ୨ଟି ବାଇକ୍ ୧ଲକ୍ଷ ୨୬ହଜାର ଟଙ୍କା ଓ କିଛି ଏଟିଏମ୍ କାର୍ଡ ମଧ୍ୟ ଜବତ କରିଛି ପୋଲିସ୍। ପି.ଇଶ୍ୱର ରାଓ, ଡି ରାଜେଶ୍ , ସନ୍ତୋଷ ବାଉରି ଗିରଫ ହୋଇଥିବା ମୁଖ୍ୟ କାର୍ପୋଟଦାର ଫେରାର୍ ଥିବା ପୋଲିସ୍ କହିଛି। । ତେବେ ଗିରଫ ସମସ୍ତ ଅଭିଯୁକ୍ତ ଗୁଣୁପୁର ଅଞ୍ଚଳର ଓ ଫେରାର ଅଭିଯୁକ୍ତଙ୍କୁ ମଧ୍ୟ ଗିରଫ କରାଯିବ ବୋଲି କହିଛି ପୋଲିସ । ଏହି ଅନ୍ଲାଇନ୍ ବ୍ୟାଟିଂରେ ଅହୁରି ଅନେକ ଜଣ ସମ୍ପୃକ୍ତ ଥିବା ପୋଲିସ ଅନୁମାନ କରୁଥିବା ବେଳେ ଏନେଇ ତଦନ୍ତ ଚଳାଇଛି । ପାଖାପାଖି ୧୫ ରୁ ଅଧିକା ଖେଳାଳି ଗିରଫ ହୋଇପାରନ୍ତି। ଇଣ୍ଡିଆ ଲିଗ୍ ଖେଳରେ ଏମାନେ ବ୍ୟାଟିଂ କରୁଥିବା ସୂଚନା ରହିଛି । ଏହି ଅନଲାଇନ ଜୁଆଡିମାନଙ୍କ ଚେର ରାଇପୁର ଓ ହାଇଦ୍ରାବାଦ ପର୍ଯ୍ୟନ୍ତ ଲମ୍ବିଛି। ଆବଶ୍ୟକ ପଡିଲେ ଏମାନଙ୍କୁ ପୋଲିସ୍ ରିମାଣ୍ଡରେ ମଧ୍ୟ ଆଣିପାରେ ବୋଲି ପୋଲିସ୍ ଏସ୍ ଡି. ପିଓ ରାଜ କିଶୋର ଦାସ ସୂଚନା ଦେଇଛନ୍ତି ।
ବର୍ତ୍ତମାନ ସମୟରେ ଅନ୍ଲାଇନ୍ ବେଟିଂ କରିବା ଅଧିକ ସୁବିଧାଜନକ ଓ ସହଜ ହୋଇଥିବାରୁ ଏଥିରେ ଅଧିକରୁ ଅଧିକ ଲୋକ ଜଡ଼ିତ ହେଉଛନ୍ତି । ଏଥିରେ ମୁଖ୍ୟତଃ ଯୁବପିଢି ଜଡିତ ହୋଇଥିବା ବେଳେ ବେଟିଂରେ ହାରିବା ଯୋଗୁଁ ଆର୍ମହତ୍ୟା ଭଳ ଚରମ ନିଷ୍ପତ୍ତି ନେଉଥିବା ମଧ୍ୟ ଦେଖିବାକୁ ମିଳୁଛି । ଆଗକୁ ଆଇପିଏଲ୍ ଭଳି ବଡ଼ ଟୁର୍ଣ୍ଣାମେଣ୍ଟ ଆସୁଥିବା ବେଳେ ଏଭଳି ବେଟିଂ ଅଧିକ ବ୍ୟାପକ ଭାବରେ ହେଉଥିବା ଦେଖିବାକୁ ମିଳୁଛି । ଏହାକୁ ରୋକିବ ପୋଲିସ ପାଇଁ ବଡ଼ ଚ୍ୟାଲେଞ୍ଜ ।
