ଓଡ଼ିଶାର ଚାକିରି ଆଶାୟୀଙ୍କ ପାଇଁ ବଡ଼ ସୁଯୋଗ: ୧୧୦୧ଟି ପଦ ପୂରଣ ପାଇଁ ଆରମ୍ଭ ହେଲା ଅନଲାଇନ୍ ଆବେଦନ

ଭୁବନେଶ୍ବର: ରାଜ୍ୟର ସମସ୍ତ ଚାକିରି ଆଶାୟୀଙ୍କ ପାଇଁ ଆସିଛି ଏକ ବଡ଼ ସୁଯୋଗ । ଓଡ଼ିଶା ପୋଷ୍ଟାଲ ସର୍କଲ ତରଫରୁ ୧୧୦୧ଟି ପଦ ପୂରଣ ପାଇଁ ପ୍ରକାଶ ପାଇଁ ବିଜ୍ଞପ୍ତି । ଯୋଗ୍ୟ ପ୍ରାର୍ଥୀଙ୍କୁ ଗ୍ରାମୀଣ ଡାକ ସେବକ (GDS), (ବ୍ରାଞ୍ଚ ପୋଷ୍ଟମାଷ୍ଟର-BPM/ ଆସିଷ୍ଟାଣ୍ଟ ବ୍ରାଞ୍ଚ ପୋଷ୍ଟମାଷ୍ଟର –ABPM / ଡାକ ସେବକ)ଙ୍କୁ ନିଯୁକ୍ତି ଦିଆଯିବ । https://indiapostgdsonline.gov.in/ ଓ୍ବେବସାଇଟକୁ ଯାଇ ପ୍ରାର୍ଥୀମାନେ ଏହି ନିଯୁକ୍ତିର ସବିଶେଷ ତଥ୍ୟ ପାଇ ପାରିବେ । ଫେବୃଆରୀ ୧୦ରୁ ମାର୍ଚ୍ଚ ୩ ପର୍ଯ୍ୟନ୍ତ ଅନଲାଇନ ପଞ୍ଜିକରଣ ଚାଲିବ । ମାର୍ଚ୍ଚ ୬ରୁ ୮ ତାରିଖ ମଧ୍ୟରେ ପ୍ରାର୍ଥୀମାନେ ଆପ୍ଲିକେସନ ଫର୍ମ ସଂଶୋଧନ କରିପାରିବେ ।

BPM ପଦ ପାଇଁ ପ୍ରାର୍ଥୀଙ୍କ ବେତନ ହାର ୧୨ ହଜାର- ୨୯,୩୮୦ ଟଙ୍କା ରହିଥିବା ବେଳେ ABPM/ ଡାକ ସେବକ ପଦ ପାଇଁ ବେତନ ହାର ୧୦ ହଜାର- ୨୪,୪୭୦ ଟଙ୍କା ରହିଛି । ଏହି ପଦରେ ଆବେଦନ କରିବାକୁ ହେଲେ ପ୍ରାର୍ଥୀଙ୍କ ସର୍ବନିମ୍ନ ବୟସ ୧୮ ବର୍ଷ ଓ ସର୍ବାଧିକ ବୟସ ୪୦ ବର୍ଷ ହୋଇଥିବା ଆବଶ୍ୟକ । OBC, SC, ST ଆଦି ପ୍ରାର୍ଥୀଙ୍କ କ୍ଷେତ୍ରରେ ନିୟମ ଅନୁଯାୟୀ ପ୍ରାର୍ଥୀଙ୍କ ବୟସ କୋହଳ କରାଯିବ ।  ଜିଡିଏସ ପଦ ପାଇଁ ପ୍ରାର୍ଥୀ ଯେ କୌଣସି ସ୍ବୀକୃତିପ୍ରାପ୍ତ ବିଶ୍ବବିଦ୍ୟାଳୟରୁ ଦଶମ ପାସ କରିବା ସହ ଗଣିତ ଓ ଇଂରାଜୀ ବିଷୟରେ ପାସିଂ ମାର୍କ ରଖିଥିବେ । କମ୍ପ୍ୟଟର ଜ୍ଞାନ, ସାଇକ୍ଲିଂ ଜ୍ଞାନ, ଜୀବିକାର ପ୍ରକୃତ ଅର୍ଥ ଉପରେ ପ୍ରାର୍ଥୀଙ୍କର ଅନ୍ୟ ଯୋଗ୍ୟତା ରହିଥିବା ଆବଶ୍ୟକ ।

ନୋଟିଫିକେସନ ଲିଙ୍କ: https://indiapostgdsonline.cept.gov.in/Notifications1/Model_Notification.pdf