ଦିବ୍ୟାଙ୍ଗଙ୍କ ନାମ ଲେଖାକୁ ନେଇ ବଡ଼ ନିଷ୍ପତ୍ତି
ଭୁବନେଶ୍ୱର: କରୋନା କାଳରେ ନାମ ଲେଖାକୁ ନେଇ ବିଭିନ୍ନ ପ୍ରକାର ସମସ୍ୟା ଦେଖାଦେଇଛି । ବିନା ଗହଳିରେ କିପରି ନାମ ଲେଖା ପ୍ରକ୍ରିୟା ସରିବ ସେନେଇ ଅଭିଭାବକମାନେ ଚିନ୍ତାରେ ଥିବା ବେଳେ ଏବେ ଦିବ୍ୟାଙ୍ଗଙ୍କ ପାଇଁ ଆସିଛି ଖୁସି ଖବର । ଭିନ୍ନକ୍ଷମ ସଶକ୍ତିକରଣ ବିଭାଗର ଏକ ନୂଆ ପଦକ୍ଷେପ ନେଇଛନ୍ତି । ଏଣିକି ଅନଲାଇନରେ ହେବ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ନାମ ଲେଖା । ଏ ନେଇ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରେ ଅନଲାଇନ ପୋର୍ଟାଲ ଆରମ୍ଭ ହୋଇଛି ।
ଏହି ଅନଲାଇନ ୱେବପୋର୍ଟାଲ ମାଧ୍ୟମରେ ଅଭିଭାବକମାନେ ପିଲାମାନଙ୍କ ନାମ ପଞ୍ଜିକରଣ କରାଇବେ । ରାଜ୍ୟରେ ବିଭିନ୍ନ ଜିଲ୍ଲାରେ ଥିବା ୧୦୩ଟି ସ୍କୁଲ ଯିବାକୁ କାହକୁ ବି ଅନୁମତି ଦିଆଯିବ ନାହିଁ । ଏବଂ ବର୍ତ୍ତମାନ ସ୍ଥିତିରେ ସେହି ସ୍କୁଲ ଗୁଡ଼ିକ ବନ୍ଦ ରହିଛି । ତେବେ ଦିବ୍ୟାଙ୍ଗଙ୍କ ସୁରକ୍ଷାକୁ ଦୃଷ୍ଟିରେ ରଖି ଏଭଳି ଏକ ବଡ଼ ନିଷ୍ପତ୍ତି ନିଆଯାଇଛି ।
ରାଜ୍ୟରେ ଥିବା ୧୦୩ ସ୍ପେଶାଲ ସ୍କୁଲ ପାଇଁ ବିଭାଗ ଏହି ନିର୍ଦ୍ଦେଶ ଦେଇଛି । କରୋନା ସମୟରେ ଯେପରି ଆଡମିଶନ ପାଇଁ ଗହଳି ନ ହୁଏ, ସେଥିପାଇଁ ଏହି ବ୍ୟବସ୍ଥା କରାଯାଇଛି । ତେବେ କିପରି ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ପାଠ ପଢ଼ାଯିବ, ତାକୁ ନେଇ ବିଭାଗ ପ୍ରକ୍ରିୟା ସ୍ଥିର କରିବ । ଏନେଇ ସୂଚନା ଦେଇଛନ୍ତି ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ।
(ଭୁବନେଶ୍ୱରରୁ ପ୍ରିୟପ୍ରିତମ ମହାନ୍ତି)
