ସେଞ୍ଚୁରୀ ମାରିପାରେ ପିଆଜ ଦର: କଳା ବଜାରୀ ଉପରେ ନଜର ରଖିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ

ରାଉରକେଲା, ଭୁବନେଶ୍ୱର: ନିୟନ୍ତ୍ରଣ ବାହାରେ ପିଆଜ ଦର । ମାରିପାରେ ସେଞ୍ଚୁରୀ  । କଳା ବଜାରୀ ଉପରେ ତୀକ୍ଷ୍ଣ ନଜର ରଖିବାକୁ ଜିଲ୍ଲପାଳମାନଙ୍କୁ ସରକାର ନିର୍ଦ୍ଦେଶ ଦେବା ପରେ ବିଭିନ୍ନ ସ୍ଥାନରେ ଚଢାଉ ଆରମ୍ଭ ହୋଇଛି । ନାସିକ ଓ କୁନ୍ନୁର ପରି ଯେଉଁସ୍ଥାନ ଉପରେ ପିଆଜ ପାଇଁ ଓଡ଼ିଶା ନିର୍ଭରଶୀଳ, ସେଠାରେ ପ୍ରବଳ ବର୍ଷା ଯୋଗୁ ଫସଲ ନିଷ୍ଟ ହୋଇଛି । ଏଭଳି ସ୍ଥିତି ଦୀପାବଳି ଯାଏ ଜାରି ରହିବ । କେନ୍ଦ୍ର ସରକାର ଅତ୍ୟାବଶ୍ୟକ ସାମଗ୍ରୀ ତାଲିକାରୁ ପିଆଜକୁ ବାଦ୍ ଦେବା ପରେ ଏପରି ସ୍ଥିତି ଉପୁଜିଛି । ପିଆଜ ଦର ବୃଦ୍ଧି ପାଇଁ ଦାୟୀ କିଏ? କାହିଁକି ଅତ୍ୟାବଶ୍ୟକ ସାମଗ୍ରୀ ତାଲିକାରୁ ବାଦ୍ ପଡ଼ିଲା ପିଆଜ ?  ! ଦୀପାବଳି ଆଣିପାରେ ଖୁସି ଖବର  ।

ଆହୁରି କନ୍ଦାଇବ ପିଆଜ । ହାଣ୍ଡିଶାଳରୁ ଧୀରେ ଧୀରେ ଉଭାନ ହେବାରେ ଲାଗୁଛି ଏହି ଅତିପ୍ରିୟ ସାମଗ୍ରୀ । ଆଜି ପିଆଜ ଦର କିଲୋ ପିଛା ୭୫ ଅଛି, କାଲି ୮୫ ଟପି ପାରେ । କେନ୍ଦ୍ର ସରକାର ପିଆଜକୁ ଅତ୍ୟାବଶ୍ୟକ ସାମଗ୍ରୀ ତାଲିକାରୁ ବାଦ୍ ଦେବା ପରେ ସ୍ଥିତି ବିଗିଡ଼ିବାରେ ଲାଗିଛି । ପ୍ରଶାସନ ନିୟନ୍ତ୍ରଣରେ ଦର ରହୁନି । ପାଇକାରୀ ବ୍ୟବସାୟୀଙ୍କୁ ଅଧିକ ହନ୍ତସନ୍ତ କରୁଛି ପରିବହନ ଖର୍ଚ୍ଚ । ଗୋଟାଏ ଟ୍ରକ୍‌ରେ ଦୈନିକ ୨୨ରୁ ୨୫ ଟନ ପିଆଜ ଆସିଥାଏ । କ୍ବିଣ୍ଟାଲ ପିଛା ୫ ଟଙ୍କା ୩୦ ପଇସା ପରିବହନ ଖର୍ଚ୍ଚ ବହନ କରୁଛନ୍ତି ପଇକାରୀ ବ୍ୟବସାୟୀ । ନାସିକ, ଅହମ୍ମଦନଗର, କୁନ୍ନୁର ଆଦି ସ୍ଥାନରୁ ଆସୁଥିବା ପିଆଜ ପାଇଁ ୫ ଟଙ୍କା ୫୦ ପଇସାରୁ ଅଧିକ ଖର୍ଚ୍ଚ ହେଉଛି ।

https://www.facebook.com/NandighoshaTV/videos/667352414200907

ଯାହା ପାଇକାରୀ ଦର ୭୮ ଟଙ୍କା ଯାଏ ନେବାରେ ଆଶଙ୍କା  ହେଲାଣି । ଏପରି ହେଲେ ଖୁଚୁରା ବ୍ୟବସାୟୀ ୮୨ ଟଙ୍କାରେ ପାଇକାରୀରେ କିଣି ୮୫ରେ ବିକି ପାରନ୍ତି । ଆନ୍ଧ୍ର, ତେଲେଙ୍ଗାନା, ନାସିକରେ ଏକ ମାସ ହେବ ପ୍ରବଳ ବର୍ଷା ହେବାରୁ ପିଆଜ ନଷ୍ଟ ହୋଇଛି । ଭଲ ଅମଳ ଦୀପାବଳି ପରେ ହେବାର ସମ୍ଭାବନା ରହିଛି । ତେବେ ପାଇକାରୀ ବ୍ୟବସାୟୀ ଓ ଖୁଚୁରା ବ୍ୟବସାୟୀଙ୍କ ଭିତରେ ଦର ନେଇ ସମନ୍ୱୟ ରକ୍ଷା କରିବାକୁ ଦୁଇ ଦିନ ଭିତରେ ଯୋଗାଣ ବିଭାଗ ଭର୍ଚ୍ୟୁଆଲ ବୈଠକ ଜରିଆରେ ଆଲୋଚନା କରିବ । ଗତକାଲି କଳାବଜାରୀ ଉପରେ ନଜର ରଖିବାକୁ ଯୋଗାଣ ବିଭାଗ ନର୍ଦ୍ଦେଶ ଦେବା ପରେ ଚେତିଛି ଜିଲ୍ଲା ପ୍ରଶାସନ । ଏ ନେଇ ସ୍ୱତନ୍ତ୍ର ଟିମ୍ ଗଠନ କରାଯାଇଛି । ରାଉରକେଲା ସହରର ବିଭିନ୍ନ ପିଆଜ ଗୋଦାମ ଓ ଦୋକାନରେ ଯାଞ୍ଚ କରିଛି  ଯୋଗାଣ ବିଭାଗ । ଚଢା ଦରରେ ବିକ୍ରି ନକରିବାକୁ ବିଭାଗ ପକ୍ଷରୁ ଦୋକାନୀଙ୍କୁ ତାଗିଦ୍ କରାଯାଉଛି । ପୂର୍ବରୁ ବଜାରରେ ପିଆଜ ଦର ବଢିଲେ, ମୈତ୍ରୀ ଷ୍ଟୋରରେ ଜଣପିଛା ଦୁଇ କିଲୋ ପିଆଜ ସୁଲଭ ଦରରେ ବିକୁଥିଲା ଯୋଗଣ ବିଭାଗ । ହେଲେ ପିଆଜ ଅତ୍ୟାବଶ୍ୟକ ସାମଗ୍ରୀ ତାଲିକାରୁ ବାଦ୍ ପଡ଼ିବା ପରେ, ଏ ସୁବିଧା ବି ନ ମିଳିପାରେ । ବଜାରର ସ୍ଥିତି ବିଗିଡ଼ିଲେ, ପୁଣି ଥରେ ନିଜସ୍ୱ ଆୟତ୍ତରେ ମୈତ୍ରୀ ଷ୍ଟୋର  ଜରିଆରେ ରାଜ୍ୟ ସରକାର ପିଆଜ ବିକି ପାରନ୍ତି ।