ଆରବ ସାଗରରେ ଜରୁରୀକାଳୀନ ଲ୍ୟାଣ୍ଡିଂ କଲା ଓଏନଜିସି ହେଲିକପ୍ଟର

ମୁମ୍ବାଇ: ଜରୁରୀକଳୀନ ଅବତରଣ କଲା ଓଏନଜିସି ହେଲିକପ୍ଟର । ଆରବ ସାଗର ନିକଟରେ ଏମରଜେନ୍ସି ଲ୍ୟାଣ୍ଡିଂ କରିଛି ହେଲିକପ୍ଟର  । ୬ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ହେଲିକପ୍ଟରରେ ୯ ଜଣ ଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି । ହେଲିକପ୍ଟରରେ ୭ ଜଣ ଯାତ୍ରୀ ଓ ଦୁଇ ପାଇଲଟ ଥିଲେ  ।

ତେବେ ଜରୁରୀକାଳୀନ ଅବତରଣର କାରଣ ଜଣାପଡି ନାହିଁ । ପାସେଞ୍ଜରଙ୍କୁ ଉଦ୍ଧାର କରିବା ପାଇଁ ସମସ୍ତ ସମୁଦ୍ର ଉପକରଣ ଯୋଗାଇ ଦିଆଯାଇଥିବା ଭାରତୀୟ କୋଷ୍ଟଗାର୍ଡ ସୂଚନା ଦେଇଛି ।

ଆରବ ସାଗରରେ ଓଏନଜିସିର ଅନେକ ରିଗ୍ ଏବଂ ଇନଷ୍ଟଲେସନ୍ ଅଛି ଯାହା ସମୁଦ୍ର ତଳେ ଅବସ୍ଥିତ ଜଳଭଣ୍ଡାରରୁ ତୈଳ ଏବଂ ଗ୍ୟାସ୍ ଉତ୍ପାଦନ ପାଇଁ ବ୍ୟବହୃତ ହୁଏ  । ଆଜି ସେଠାକୁ କିଛି ଉପକରଣ ନେଇ କଣ୍ଟ୍ରାକ୍ଟରଙ୍କ ସମେତ ୯ ଜଣକୁ ନେଇ ପହଞ୍ଚିଥିଲା ଓଏନଜିସି ହେଲିକପ୍ଟର  ।