ଛୁରୀରେ ଆକ୍ରମଣ କଲା ଯୁବକ, ଜଣେ ମୃତ

ଦିଗପହଣ୍ଡି: ବଚସାକୁ କେନ୍ଦ୍ର କରି ଦୁଇ ଜଣଙ୍କୁ ଛୁରୀରେ ଆକ୍ରମଣ କଲେ ଯୁବକ । ଜଣେ ମୃତ, ଜଣେ ଗୁରୁତର ।ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ନବରଙ୍ଗପୁର ଗାଁରେ ଘଟିଛି ଘଟଣା । ଆକ୍ରମଣ ପରେ ଗୁରୁତର ଅବସ୍ଥାରେ ଦୁଇ ଜଣଙ୍କୁ ଏମକେସିଜିକୁ ସ୍ଥାନାନ୍ତର ବେଳେ ଜଣକର ମୃତ୍ୟୁ ହୋଇଛି । ମୃତ ଯୁବକ ଜଣକ ବାବୁ ଗୌଡ଼ ହୋଇଥିବା ବେଳେ ଗୁରୁତର ଯୁବକ ଜଣକ ପ୍ରଦୀପ ସାହୁ ବୋଲି ଜଣାପଡିଛି ।

ସୂଚନା ମୁତାବକ କୌଣସି ଏକ କାରଣରୁ ଯୁବକଙ୍କ ମଧ୍ୟରେ ହୋଇଥିଲା ବଚସା  । ପରବର୍ତ୍ତୀ ସମୟରେ ଏହି ସାମାନ୍ୟ ବଚସା ନେଇଥିଲା ସାଙ୍ଘାତିକ ରୂପ  । ଜଣେ ଯୁବକ ଅନ୍ୟ ଦୁଇ ଜଣ ଯୁବକଙ୍କୁ ଏକ ଧାରୁଆ ଛୁରୀରେ ଆକ୍ରମଣ କରିଥିଲେ  ।  ଆକ୍ରମଣ କରିଥିବା ଯୁବକ ଜଣକ ଫେରାର ହୋଇଯାଇଛି । ପୋଲିସ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି ।