ପ୍ରେସର କୁକରରେ ପଶିଗଲା ବର୍ଷକର ଛୁଆର ମୁଣ୍ଡ, ହାତ ଟେକିଦେଲେ ଡାକ୍ତର
One year old girls Head stuck in pressure cooker
ଅହମଦାବାଦ: ଖେଳୁ ଖେଳୁ ଛୁଆର ମୁଣ୍ଡରେ ପଶିଗଲା ପ୍ରେସର କୁକର । ଗୁଜରାଟ ଭାବନଗର ଜିଲ୍ଲାର ଏହି ମାମଲା ବେଶୀ ଭୟଙ୍କର । ପରିସ୍ଥିତି ଏମିତି ହେଲା ଯେ ଶେଷରେ ଛୁଆକୁ ମେଡିକାଲ ନିଆଗଲା । ସେଠାରେ ଏକ୍ସିଜେନ୍ ଲଗାଇବା ସହ ପ୍ରେସର କୁକରକୁ କାଟିବାକୁ ପଡ଼ିଛି ।
ବର୍ଷକର ଝିଅ ପ୍ରିୟାଂଶୀ ରୋଷେଇ ଘରେ ଖେଳୁଥିବା ବେଳେ ତା ମୁଣ୍ଡ ପ୍ରେସର କୁକରରେ ପଶି ଯାଇଥିଲା । ପରିବାର ଲୋକ ବାହାର କରିବାକୁ ଚେଷ୍ଟା କରି ମଧ୍ୟ ବିଫଳ ହୋଇଥିଲେ । ଫଳରେ ମେଡିକାଲ ନେଇ ଯାଇଥିଲେ । ଡାକ୍ତର ପ୍ରେସର କୁକର ବାହାର କରିବାରେ ବିଫଳ ହେବାରୁ କାଟିବା ପାଇଁ ଜଣଙ୍କୁ ଡାକିଥିଲେ ।
ପ୍ରାୟ ୪୫ ମିନିଟର ପ୍ରୟାସ ପରେ ପ୍ରେସର କୁକରକୁ କାଟି ମୁଣ୍ଡରୁ ବାହାର କରାଯାଇଥିଲା । ତେବେ, ଶିଶୁଟିର ମୁଣ୍ଡରେ ସାମାନ୍ୟ ଆଘାତ ଲାଗିବା ସହ ମୁଣ୍ଡ ଫୁଲି ଯାଇଛି । ଡାକ୍ତର ତାକୁ ଅବଜରଭେସନରେ ରଖିଛନ୍ତି ।
