ରାଜଧାନୀରେ ହେଲମେଟ ଚେକିଂ ବେଳେ ଅଘଟଣ, ପୋଲିସ କର୍ମୀଙ୍କ ଗୋଡ଼ ଭାଙ୍ଗିଦେଲେ

ଭୁବନେଶ୍ବର: ରାଜଧାନୀରେ ହେଲମେଟ ଚେକିଂ ବେଳେ ଅମାନିଆଙ୍କ ଉତ୍ପାତ । ବିନା ହେଲମେଟରେ ଗାଡ଼ି ଚଳାଉଥିବା ଚାଳକଙ୍କୁ ଅଟକାଇବାରୁ ପୋଲିସ୍ କର୍ମୀଙ୍କ ଉପରେ ଚଢ଼ାଇଦେଲେ ବାଇକ୍ । ଅମାନିଆଙ୍କ ଆକ୍ରମଣରେ ପୋଲିସ କର୍ମଚାରୀ ସତୀଶ ଚନ୍ଦ୍ର ନାୟକ ଆହତ ହୋଇଛନ୍ତି । ଚନ୍ଦ୍ରଶେଖରପୁର ପୋଲିସ ଥାନାର କର୍ମଚାରୀ ହେଉଛନ୍ତି ସତୀଶ ।

ଗତକାଲି ଇନଫୋସିଟି ଛକରେ ହେଲମେଟ୍ ଚେକିଂ ବେଳେ ଦୁଇଜଣ ଛାତ୍ର ବିନା ହେଲମେଟ ବାଇକ୍ ନେଇ ଆସୁଥିଲେ । ପୋଲିସ କର୍ମଚାରୀ ଗାଡି ସାଇଡ କରିବାକୁ କହିବାରୁ ଧକ୍କାମାରି ଖସି ପଳାଇଥିଲେ । ସତୀଶଙ୍କ ଡାହାଣ ଗୋଡ଼ ଭାଙ୍ଗି ଯାଇଛି । ଦୁଇ ଜଣଙ୍କୁ ଅଟକ ରଖିବା ସହ ବାଇକ ଜବତ କରିଛି ଚନ୍ଦ୍ରଶେଖରପୁର ଥାନା ପୋଲିସ ।