ପଡ଼ୋଶୀକୁ କାଠ ଫାଳିଆରେ ପିଟିପିଟି ହତ୍ୟା

ସୁନ୍ଦରଗଡ଼: ଜମିବାଡି ବିବାଦକୁ ନେଇ ପଡ଼ୋଶୀକୁ କାଠ ଫାଳିଆରେ ପିଟିପିଟି ହତ୍ୟା ଅଭିଯୋଗ । ଘଟଣାରେ ଅଭିଯୁକ୍ତ ଅଟକ । ସୁନ୍ଦରଗଡ଼ ମହୁଲପଦା ହାତୀସୋଲ ଗାଁରେ ଏଭଳି ଅଭାବନୀୟ ଘଟଣା ଘଟିଛି । ଜମିଜମା ବିବାଦକୁ କେନ୍ଦ୍ର କରି ଦୁଇ ପଡ଼ୋଶୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା ।

ଦୀର୍ଘ ଦିନ ହେବ ଗାଁର ଚାଇତୁ ନାଏକ ଏବଂ ଲକ ନାୟକଙ୍କ ମଧ୍ୟରେ ଜମିକୁ ନେଇ ବିବାଦ ଥିଲା। ଉତକ୍ଷିପ୍ତ ଲକ ନାୟକ କାଠ ଫାଳିଆରେ ଚାଇତୁର ମୁଣ୍ଡକୁ ପିଟିପିଟି ମାରିଦେଇଛି । ଘଟଣାସ୍ଥଳରେ ମହୁଲପଦା ପୋଲିସ ପହଁଚି ତଦନ୍ତ ଜାରି ରଖିଛି l ସାଇଣ୍ଟିଫିକ ଟିମ ପହଂଚି ଯାଞ୍ଚ କରିବ ବୋଲି ସୂଚନା ମିଳିଛି । ଅଭିଯୁକ୍ତକୁ ଅଟକ ରଖି ପୋଲିସ ପଚରାଉଚରା ଜାରି ରଖିଛି।