ପୁଲଓ୍ୱାମାରେ ପୁଣି ଏନକାଉଣ୍ଟର, ସୁରକ୍ଷାକର୍ମୀଙ୍କ ଗୁଳିରେ ଟଳିଲେ ୩ ଆତଙ୍କବାଦୀ

ଶ୍ରୀନଗର: ବର୍ଷ ଆରମ୍ଭରୁ ଭାରତୀୟ ସେନାଙ୍କୁ ମିଳିଛି ବଡ଼ ସଫଳତା । ଭାରତୀୟ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟରେ ୩ ଜଣ ଆତଙ୍କୀ ମୃତ୍ୟୁ ବରଣ କରିଛନ୍ତି । ଏହି ଏନକାଉଣ୍ଟର ଜାମ୍ମୁ କାଶ୍ମୀର ପୁଲଓ୍ୱାମାରେ ହୋଇଛି । ସୁରକ୍ଷାକର୍ମୀଙ୍କ ଗୁଳିରେ ୩ ଆତଙ୍କବାଦୀ ନିହତ ହୋଇଛନ୍ତି । ଗତ କିଛି ଦିନ ମଧ୍ୟରେ ୫ଟି ଏନକାଉଣ୍ଟର ହେବା ସହ ଏହି ଏନକାଉଣ୍ଟରରେ ବର୍ତ୍ତମାନ ସୁଦ୍ଧା ପ୍ରାଣ ହରାଇଲେଣି ୮ ଆତଙ୍କବାଦୀ । ପୁଲଓ୍ବାମାର ଚନ୍ଦଗାଁ ଇଲାକାରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଏହି ସଂଘର୍ଷ ହୋଇଥିଲା ।

#UPDATE | Three JeM terrorists killed in an encounter with security forces in Chandgam, Pulwama. One of them is a Pakistani national. Incriminating materials, arms & ammunition including 2 M-4 carbines & 1 AK series rifle recovered: IGP Kashmir

— ANI (@ANI) January 5, 2022

ଏହି ଏନକାଉଣ୍ଟରରେ ମୃତ୍ୟୁ ବରଣ କରିଥିବା ଆତଙ୍କବାଦୀମାନେ ଜୈସ-ଏ-ମହମ୍ମଦ ସଂଗଠନର କର୍ମୀ । ସେମାନଙ୍କ ମଧ୍ୟରୁ ଜଣେ ପାକିସ୍ତାନ ନାଗରିକ ବୋଲି ସୂଚନା ମିଳିଛି । ଏନକାଉଣ୍ଟରରୁ ବିପୁଳ ଅସ୍ତ୍ରଶସ୍ତ୍ର, ଆମେରିକା ତିଆରି ଏମ-୪ ଆସଲ୍ଟ ରାଇଫଲ, ୨ଟି ଏମ୪ କାରବାଇନ, ଗୋଟିଏ ଏକେ-୪୭ ସେମାନଙ୍କଠାରୁ ଜବତ ହୋଇଛି ବୋଲି ଆଇଜିପି ବିଜୟ କୁମାର କହିଛନ୍ତି । ସେହିପରି ଗତ ମଙ୍ଗଳବାର କୁଲଗାମ ଜିଲ୍ଲାରେ ୨ ଜଣ ଆତଙ୍କବାଦୀ ପ୍ରାଣ ହରାଇଥିବାବେଳେ ସୋମବାର ଶ୍ରୀନଗରର ଶାଲିମାର ଗାର୍ଡେନରେ ଦୁଇ ଜଣ ଆତଙ୍କବାଦୀ ପ୍ରାଣ ହରାଇଥିଲେ । ସେହିପରି ରବିବାର କୁପଓ୍ବାରା ଜିଲ୍ଲାରେ ଜଣେ ପାକିସ୍ତାନ ଆତଙ୍କବାଦୀ ପ୍ରାଣ ହରାଇଥିଲା ।