ଗୋଟିଏ ଅକ୍ସିଜେନ ସିଲିଣ୍ଡରରେ ଦୁଇ ଶିଶୁଙ୍କୁ ଦିଆଯାଉଛି ଅକ୍ସିଜେନ

ନନ୍ଦିଘୋଷ ବ୍ୟୁରୋ: ଗୋଟିଏ ଅକ୍ସିଜେନ ସିଲିଣ୍ଡରରେ ଦୁଇ ରୋଗୀଙ୍କୁ ଦିଆଯାଉଛି ଅକ୍ସିଜେନ । ବ୍ରହ୍ମପୁର ଏମକେସିଜି ମେଡିକାଲର ଶିଶୁରୋଗ ବିଭାଗରେ ଦେଖିବାକୁ ମିଳିଛି ଏଭଳି ଦୃଶ୍ଯ । ପାତ୍ରପୁର ବ୍ଲକ ଅଞ୍ଚଳର କୌଶଲ୍ୟା ସାହୁଙ୍କ ୮ ଦିନର ଶିଶୁ ଓ ଗଜପତି ଜିଲ୍ଲା ନୂଆଗଡ ବ୍ଲକ ପଦପଦା ଗାଁର ପଦ୍ମାଳୟ ବେହେରାଙ୍କ ୧୪ ଦିନର ଶିଶୁକୁ ଗୋଟିଏ ଅକ୍ସିଜେନ ସିଲିଣ୍ଡରରେ ଅକ୍ସିଜେନ ଦିଆଯାଉଥିଲା । ଗୋଟିଏ ଅକ୍ସିଜେନ ସିଲିଣ୍ଡରରେ ଦୁଇ ଜଣ ଶିଶୁଙ୍କୁ ଅକ୍ସିଜେନ ଦେବା ଦ୍ଵାର ଶିଶୁଙ୍କ ସ୍ଵାସ୍ଥ୍ଯ ଖରାପ ହେବାର ସମ୍ଭାବନା ରହିଥାଏ । ତେବେ କାହିଁକି ଏଭଳି ଦୁଇ ଜଣ ଶିଶୁକୁ ଗୋଟିଏ ଅକ୍ସିଜେନ ସିଲିଣ୍ଡରରେ ଅକ୍ସିଜେନ ଦିଆଯାଉଥିଲା ତାହା ଅସ୍ପଷ୍ଟ ରହିଛି ।