ଦେଶରେ ‘ୱାନ୍ ନେସନ୍ ୱାନ୍ ରାସନ କାର୍ଡ’ ବ୍ୟବସ୍ଥା, ଏବେ ଅନ୍ୟ ରାଜ୍ୟରେ ଥାଇ ବି କିଣି ହେବ ରାସନ
ଦେଶରେ ଲାଗୁ ହେବ ‘ୱାନ୍ ନେସନ୍ ୱାନ୍ ରାସନ କାର୍ଡ’ ବ୍ୟବସ୍ଥା । ୧ ଜୁନ ୨୦୨୦ରୁ ଏହି ଯୋଜନା ଆରମ୍ଭ ହେବ । ଏଣିକି ଦେଶର ଯେକୈାଣସି ରାଜ୍ୟରେ ଥିଲେ ବି ରାସନ କିଣିପାରିବେ ହିତାଧିକାରୀ । ତେବେ କେବଳ ନୂଆ ନୁହେଁ ପୁରୁଣା କାର୍ଡ ବି ବୈଧ ରହିବ ।
ଏ ସଂପର୍କରେ ସୂଚନା ଦେଇଛନ୍ତି ଖାଦ୍ୟ ଓ ଯୋଗାଣ ମନ୍ତ୍ରୀ ରାମ ବିଲାସ ପାଶୱାନ । ତେବେ ୨୦୨୦ ଜାନୁଆରୀ ପହିଲାରୁ ୧୨ଟି ରାଜ୍ୟରେ ଏହି ଯୋଜନାକୁ ଲାଗୁ କରିସାରିଛନ୍ତି । ସାରା ଦେଶରେ ଜୁନରୁ ଏହି ନିୟମ ଲାଗୁ ପରେ କାର୍ଡଧାରୀ ରାଷ୍ଟ୍ରୀୟ ଖାଦ୍ୟ ସୁରକ୍ଷା ନିୟମ ଅନୁସାରେ ସବୁ ରାଜ୍ୟରୁ ନିଜ ରାସନ କିଣିପାରିବେ । ପୂର୍ବରୁ ଆନ୍ଧ୍ରପ୍ରଦେଶ, ତେଲେଙ୍ଗାନା, ଗୁଜରାଟ, ଗୋଆ, ଝାଡ଼ଖଣ୍ଡ ଓ ତ୍ରିପୁରା ପରି ରାଜ୍ୟ ଏହି ଯୋଜନାକୁ ଲାଗୁ କରିସାରିଛନ୍ତି ।
