ଭଦ୍ରକରେ ଆଉ ଜଣେ କରୋନା ପଜିଟିଭ୍, ରାଜ୍ୟରେ ସଂକ୍ରମିତଙ୍କ ସଂଖ୍ୟା ୨୪୬କୁ ବୃଦ୍ଧି
ଭଦ୍ରକ: ଭଦ୍ରକରୁ ଆଉ ଜଣେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିସହ ଭଦ୍ରକରେ ପଜିଟିଭଙ୍କ ସଂଖ୍ୟା ୨୪କୁ ବୃଦ୍ଧି ପାଇଛି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ବୟସ ୩୩ ବର୍ଷ । ଆଜି ସକାଳୁ ଭଦ୍ରକରୁ ଦୁଇଜଣ କରୋନା ପଜିଟିଭ ଚିହ୍ନଟ ହୋଇଥିଲେ ।
ସେହି ଦୁଇଜଣଙ୍କ ମଧ୍ୟରୁ ଜଣକୁ ୨୦ ବର୍ଷ ଏବଂ ଅନ୍ୟ ଜଣଙ୍କୁ ୪୧ ବର୍ଷ । ଜଣେ ଧାମନଗର ବ୍ଲକର ହୋଇଥିବା ବେଳେ ଅନ୍ୟ ଜଣେ ବାସୁଦେବପୁର ମ୍ୟୁନିସିପାଲଟିର ବୋଲି ଜଣାପଡ଼ିଛି । ଏହା ସହ ରାଜ୍ୟରେ କରୋନା ପଜିଟିଭଙ୍କ ସଂଖ୍ୟା ୨୪୬କୁ ବୃଦ୍ଧି ପାଇଛି । ଏବେ ରାଜ୍ୟରେ ୧୮୧ ଜଣ କରୋନା ସଂକ୍ରମଣରେ ସକ୍ରିୟ ରହିଥିବା ବେଳେ ୬୩ ଜଣ ସୁସ୍ଥ ହୋଇଛନ୍ତି ।
