ପଦାରେ ପଡୁଛି ଭରତପୁର ଥାନାର କାରନାମା, ପାଟ୍ରୋଲିଂ ପାଇଁ ଲୋକଙ୍କ ଠୁ ପଇସା ନେଉଥିଲେ

ଭୁବନେଶ୍ବର: ଭରତପୁର ଥାନା ବିରୋଧରେ ପୁଣି ଆସିଲା ସାଙ୍ଘାତିକ ଅଭିଯୋଗ । ଏତଲାକାରୀଙ୍କ ଠାରୁ ଟଙ୍କା ମାଗୁଥିଲେ ତତ୍କାଳୀନ ଥାନାଧିକାରୀ ଦୀନକୃଷ୍ଣ ମିଶ୍ର। ଗାଡି ଚୋରି ଅଭିଯୋଗ ନେଇ ଭରତପୁର ଥାନାକୁ ଯାଇଥିବା ଅଭିଯୋଗକାରୀଙ୍କୁ ପାଟ୍ରୋଲିଂ ପାଇଁ ତେଲ ନଥିବା କହିଥିଲେ ଥାନାଧିକାରୀ ।

ଏପରିକି ଅଭିଯୋଗକାରୀଙ୍କ ଠୁ ୧ ହଜାର ଟଙ୍କାର ତେଲ ପକାଇବା ପରେ ପୋଲିସ ପାଟ୍ରୋଲିଂ କରି ଘଟଣାସ୍ଥଳରେ ପହଞ୍ଚିଥିଲା । ସିସିଟିଭି, ଭିଜୁଆଲ ସବୁକିଛି ପ୍ରମାଣ ଦେବା ପରେ ମଧ୍ୟ ଠିକ ସମୟରେ ଏତଲା ରୁଜୁ କରିନଥିଲା ପୋଲିସ । ଓଲଟା ଚୋର ନେଇ ବୋଟରେ ଇଞ୍ଜିନ ଭାବେ ବ୍ୟବହାର କରିସାରିଥିବା ହାଲୁକା ଭାବେ କହି ଅଭିଯୋଗକାରୀଙ୍କୁ ଥାନାରୁ ଫେରାଇ ଦେଇଥିଲା ପୋଲିସ ।