ମାଛ ଖାଇ ଜଣେ ମୃତ, ୩ ଗୁରୁତର

ଟାଙ୍ଗୀ: ବିଷାକ୍ତ ମାଛ ତରକାରୀ ଖାଇ ଜଣେ ମୃତ, ୩ ଗୁରୁତର । ଘଟଣା ଟାଙ୍ଗୀ କୁହୁଡିଚୁଆର । ଗୁରୁତରଙ୍କ ମଧ୍ୟରେ ଅଛନ୍ତି ଜଣେ ମହିଳା । ସମସ୍ତଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି ।

ପରିବାରଟି ଟାଙ୍ଗୀ ଅଞ୍ଚଳର ଏକ କୁକୁଡା ଫାର୍ମରେ ରହିଆସୁଥିଲେ । ଗତକାଲି ରାତିରେ ମାଛ ତରକାରୀ କରି ପୂରା ପରିବାର ଖାଇଥିଲେ । ଏହାପରେ ସମସ୍ତେ ହଠାତ ଅସୁସ୍ଥ ହୋଇଯାଇଥିଲେ । ବିଷାକ୍ତ ଖାଦ୍ୟ ଖାଇ ସେମାନେ ଅସୁସ୍ଥ ହୋଇଥିବା ଅନୁମାନ କରାଯାଉଛି । ସ୍ଥାନୀୟ ଲୋକଙ୍କ ସହାୟତାରେ ସମସ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଜଣେ ୧୦ ବର୍ଷର ନାବାଳକର ମୃତ୍ୟୁ ଘଟିଛି ।