ସମୁଦ୍ରରେ ଭାସିଗଲେ ୫ ସାଙ୍ଗ, ଜଣେ ମୃତ ଜଣେ ନିଖୋଜ

ଗୋପାଳପୁର: ଗଞ୍ଜାମ ଜିଲ୍ଲା ଗୋପାଳପୁର ନିକଟ ଆର୍ଯ୍ୟପଲ୍ଲି ଗାଁରେ ଅଭାବନୀୟ ଘଟଣା । ସମୁଦ୍ରରେ ଗାଧୋଇବା ବେଳେ ଭାସିଗଲେ ଦୁଇ ଛାତ୍ରୀ । ଜଣେ ପ୍ରାଣ ହରାଇଥିବା ବେଳେ ଏବେବି ଜଣେ ନିଖୋଜ ଅଛି । ମୃତ ଛାତ୍ରୀ ଜଣଙ୍କ ହେଲେ କନିଷିର ସ୍ୱପ୍ନା ରାଣୀ ପଣ୍ଡିତ । ନିଖୋଜ ଛାତ୍ରୀ ଜଣକ ହେଲେ ଶେରଗଡ଼ର ଗୁଡିଲି ମିଶ୍ର ।

ଯାତ୍ରା ଦେଖିବା ପାଇଁ ମାମୁଁଙ୍କ ଘରକୁ ଆସିଥିବା ବେଳେ ଆଜି ସକାଳୁ ୫ଜଣ ସାଙ୍ଗ ମିଶି ସମୁଦ୍ରକୁ ଗାଧୋଇବା ପାଇଁ ଯାଇଥିଲେ । ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ନିଖୋଜ ହୋଇଛନ୍ତି । ୩ ଜଣ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି । ଗ୍ରାମବାସୀ ଏବଂ ଓଡ୍ରାଫ ବାହିନୀଙ୍କ ମିଳିତ ଉଦ୍ୟମରେ ଉଦ୍ଧାର କାର୍ଯ୍ୟ ଜାରି ରହିଛି ।