ଗୁଳିମାଡ଼ରେ ଚାଷୀ ମୃତ, ଦୁର୍ବୃତ୍ତ ଲୁଟିନେଲେ ୩୦ ହଜାର ଟଙ୍କା

ଢେଙ୍କାନାଳ: ଭୁବନ କୁନିନ୍ଦାରୁ ପଣ୍ଡା କିଣିବାକୁ ଯାଇଥିବା ତିନିଜଣ ଚାଷୀଙ୍କ ଉପରକୁ ଗୁଳିମାଡ଼ ହୋଇଛି । ଗୁଳିମାଡ଼ରେ ଜଣେ ଚାଷୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୨ଜଣ ଅଳ୍ପକେ ବର୍ତ୍ତି ଯାଇଛନ୍ତି । ଦୁର୍ବୃତ୍ତ ଚାଷୀଙ୍କ ଠାରୁ ୩୦ ହଜାର ଟଙ୍କା ଲୁଟି ନେଇଛନ୍ତି । ମୃତକ ଭୁବନ କୁନିନ୍ଦାର ଗୋବିନ୍ଦ ବେହେରା ବୋଲି ଜଣାପଡ଼ିଛି । ପ୍ରଥମେ ଗୋବିନ୍ଦଙ୍କୁ ଗୁରୁତର ଅବସ୍ଥାରେ ଭୁବନ ପରେ ଢେଙ୍କାନାଳ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି ।

ଭୁବନ ପୋଲିସ୍ ତଦନ୍ତ ହତ୍ୟାକାଣ୍ଡର ତଦନ୍ତ କରୁଛି । ଢେଙ୍କାନାଳ ଭୁବନ ଥାନା କୁନିନ୍ଦାର ତିନିଜଣ ଚାଷୀ ପଣ୍ଡା ଆଣିବାକୁ ଯାଜପୁର ଗୁହିଆଶାଳ ଦେଓଗାଁ ଯାଇଥିଲେ । ଗୁରୁବାର ରାତି ୯ଟା ସମୟରେ ଭୁବନ ଫେରୁଥିବା ବେଳେ ୪ ଜଣ ଦୁର୍ବୃତ୍ତ ସେମାନଙ୍କୁ ଅଟକାଇ ଲୁଟ୍ କରିବାକୁ ଉଦ୍ୟମ କରିଥିଲେ । ଏଥିରେ ହାତାହାତି ହେବା ପରେ ଲୁଟେରା ଚାଷୀଙ୍କ ଉପରକୁ ଗୁଳି ଚଳାଇଥିଲେ ।