କୂଅରୁ ମାଙ୍କଡ଼ ଉଦ୍ଧାର ହେଲା କାଳ, ଶ୍ବାସରୁଦ୍ଧ ହୋଇ ଜଣେ ମୃତ, ୨ ଗୁରୁତର

ବୌଦ୍ଧ: କୂଅରୁ ମାଙ୍କଡ଼ ଉଦ୍ଧାର କରିବାକୁ ଯାଇ ମୃତ୍ୟୁ । ଶ୍ବାସରୁଦ୍ଧ ହୋଇ ଜଣେ ମୃତ । ମୃତକ ହେଲେ କାଳିଚରଣ ବାଙ୍କ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା ମନମୁଣ୍ଡା ଥାନା ତୁଳସୀକଟା ଗାଁରେ । ସୂଚନା ଅନୁସାରେ ତୁଳସୀକଟା ଗାଁରେ ଥିବା ଏକ କୂଅରେ ଏକ ମାଙ୍କଡ଼ ପଡ଼ିଯିବାରୁ ୩ ଜଣ ଉଦ୍ଧାର ପାଇଁ କୂଅକୁ ପଶିଥିଲେ । କିନ୍ତୁ କୂଆ ମଧ୍ୟରେ ଶ୍ଵାସରୁଦ୍ଧ ହୋଇ ତିନି ଜଣ ଗୁରୁତର ହୋଇଥିଲେ । ସେମାନଙ୍କୁ ଦମକଳ ବାହିନୀ କୂଆ ଭିତରୁ ଉଦ୍ଧାର କରି ସୋନପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲା । ତେବେ ମେଡିକାଲରେ କାଳିଚରଣଙ୍କ ମୃତ୍ୟୁ ହୋଇଛି ।