ଗଞ୍ଜାମ ଜିଲ୍ଲାପାଳଙ୍କ ସୂଚନା, ଜାହାଡ଼ା ପଞ୍ଚାୟତରେ କରୋନାରେ ହୋଇଛି ଜଣଙ୍କ ମୃତ୍ୟୁ
1 min read
ବ୍ରହ୍ମପୁର: ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜାହାଡ଼ା ପଞ୍ଚାୟତରେ ଝଡ଼ୁଛି ଜୀବନ । ତିନି ଦିନ ମଧ୍ୟରେ କରୋନା ନେଲାଣି ତିନି ଜଣଙ୍କ ପ୍ରାଣ । ସୋସିଆଲ୍ ମିଡିଆରେ ଏଭଳି ଗୁଜବ ପ୍ରଚାରିତ ହେଉଥିଲା । ତେବେ, କରୋନାରେ କେବଳ ଜଣଙ୍କ ମୃତ୍ୟୁ ହୋଇଛି । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଟ୍ୱିଟ୍ କରି ଏନେଇ ସୂଚନା ଦେଇଛନ୍ତି ।
https://twitter.com/Ganjam_Admin/status/1276811576939474946
ଜାହାଡ଼ା ପଞ୍ଚାୟତରେ ୩ ଜଣଙ୍କ ମୃତ୍ୟୁ ହୋଇଛି । ତେବେ ଜଣଙ୍କର ମୃତ୍ୟୁ କରୋନା ଜନିତ । ଅନ୍ୟ ୨ ଜଣଙ୍କ ମୃତ୍ୟୁ ଅନ୍ୟ କାରଣରୁ ହୋଇଛି । ସଂକ୍ରମଣ ଚେନକୁ ରୋକିବା ପାଇଁ ଧରାକୋଟ ବ୍ଲକ ଜାହାଡ଼ା ପଞ୍ଚାୟତୁ ସଟଡାଉନ୍ ଘୋଷଣା କରିଛନ୍ତି ସରପଞ୍ଚ ସୁଲତା ବେହେରା । ୫ ଦିନ ପାଇଁ ପଞ୍ଚାୟତକୁ ସଟଡାଉନ୍ ଘୋଷଣା କରାଯାଇଛି । ଏହି ସମୟରେ ସମସ୍ତ ଜରୁରୀ ସେବା ଜାରି ରହିବ ।
ସେପଟେ ରେଶମ ସହର ବ୍ରହ୍ମପୁରରେ ସଂକ୍ରମଣ ଧାରାକୁ ବ୍ରେକ୍ ଦେବା ପାଇଁ ସଟଡାଉନ୍ କରାଯାଇଛି । ଆଜିଠାରୁ ୪ ଦିନ ଅର୍ଥାତ୍ ମଙ୍ଗଳବାର ଯାଏଁ ସଟଡାଉନ୍ ଭିତରେ ରହିବ ବ୍ରହ୍ମପୁର ସହର । ପ୍ରଶାସନ ପକ୍ଷରୁ ଏହି ସମୟରେ ୭୦ଟି ଟିମ୍ ଘରକୁ ଘର ବୁଲି ସର୍ଭେ କରିବ । ଏହି ସମୟରେ ସ୍ୱାସ୍ଥ୍ୟସେବା ଓ ଦୁଗ୍ଧ ବଣ୍ଟନକୁ ପ୍ରଶାସନ ଅନୁମତି ଦେଇଛି ।
