କ୍ୱାରେଣ୍ଟାଇନ୍ ହୋମରୁ ଫେରାର ହେଲେ ଯୁବକ, ଗିରଫ କଲା ପୋଲିସ
ଯାଜୁପର: ଯାଜୁପରର ଜଣେ କରୋନା ଆକ୍ରାନ୍ତଙ୍କୁ ପୋଲିସ ଗିରଫ କରିଛି । କରୋନା ଆକ୍ରାନ୍ତ ଜଣକ କ୍ୱାରେଣ୍ଟାଇନ୍ ହୋମ୍ରୁ ଫେରାର ହୋଇଥିବାରୁ ପୋଲିସ ତାଙ୍କୁ ଠାବ କରି ଗିରଫ କରିଥିବା ଜଣାପଡ଼ିଛି । ଏଭଳି ଘଟଣା ସାମ୍ନାକୁ ଆସିଛି, ଯାଜପୁର ଦଶରଥପୁର ବ୍ଲକର ବିରଜାପୁର ଅଞ୍ଚଳରେ ଥିବା କ୍ୱାରେଣ୍ଟାଇନ୍ ହୋମ୍ରୁ । ଆକ୍ରାନ୍ତ ଯୁବକ ଜଣକ କ୍ୱାରେଣ୍ଟାଇନ୍ ହେମ୍ରୁ ଫେରାର ହେବା ପରେ ଏକ ଗ୍ୟାରେଜ୍ ଖୋଲିଥିଲା, ଯାହାକୁ ପୋଲିସ ସିଲ୍ କରିଛି । ଖାଲି ସେତିକି ନୁହେଁ ଗ୍ୟାରେଜ୍ ପାଖରେ ଥିବା ଦୁଇଟି ଚିକେନ୍ ସେଣ୍ଟରକୁ ମଧ୍ୟ ପୋଲିସ ସିଲ୍ କରିଛି । ଗ୍ୟାରେଜ ପାଖାପାଖି ଅଞ୍ଚଳକୁ ସମ୍ପୂର୍ଣ୍ଣ ରୂପେ ସାନିଟାଇଜ୍ କରାଯାଇଛି । ଏହାସହ ଜନସାଧାରଣଙ୍କୁ ନଜ ଘରେ ସୁରକ୍ଷିତ ଭାବେ ତଥା ହୋମ୍ କ୍ୱାରେଣ୍ଟାଇନ୍ରେ ରହିବାକୁ ପରାମର୍ଶ ଦିଆଯାଇଛି ।
ରାଜ୍ୟରେ ଏବେ ଯାଜପୁର କରୋନା ଆକ୍ରାନ୍ତଙ୍କ ହଟ୍ସ୍ପଟ୍ ପାଲଟିଛି । ସର୍ବାଧିକ 48 ଜଣ କରୋନା ଆକ୍ରାନ୍ତଙ୍କୁ ଯାଜପୁରରେ ଚିହ୍ନଟ କରାଯାଇଛି । ଜଣେ ସୁସ୍ଥ ହୋଇ ଘରକୁ ଫରିଛନ୍ତି । ଏବେ ବି ୪୭ ଜଣ ଚିକିତ୍ସିତ ହେଉଛନ୍ତି ।
