ବାଲିଯାତ୍ରା ପ୍ଲଟ୍ ପାଇଁ ଆରମ୍ଭ ହୋଇଛି ଅନ୍ ଦି ସ୍ପଟ୍ ବୁକିଂ
କଟକ: ବାଲିଯାତ୍ରାକୁ ଆଉ ୮ ଦିନ । ସେଥିପାଇଁ ପ୍ରସ୍ତୁତି ପ୍ରାୟତଃ ଶେଷ ପର୍ଯ୍ୟାୟରେ ପହଞ୍ଚିଛି । ଚଳିତ ବର୍ଷ ବାଲିଯାତ୍ରାକୁ ଆଡ଼ମ୍ବର କରିବା ପାଇଁ ଅଣ୍ଟା ଭିଡ଼ିଛି ଜିଲ୍ଲା ପ୍ରଶାସନ । ଅନ୍ୟପଟେ ରାଜ୍ୟ ତଥା ରାଜ୍ୟ ବାହାରୁ ବ୍ୟବସାୟୀମାନେ ବାଲିଯାତ୍ରାରେ ବ୍ୟବସାୟ କରିବା ପାଇଁ ଆସୁଥିବାବେଳେ ଉପର ପଡ଼ିଆରେ ସମ୍ପୂର୍ଣ ପ୍ଲଟ୍ ବୁକିଂ ସରିଛି ।
ଆଜି ତଳ ପଡ଼ିଆରେ ବଳକା ପ୍ଲଟ ପାଇଁ ଆରମ୍ଭ ହୋଇଛି ଅନ ଦ ସ୍ପଟ ବୁକିଂ। ୨୫୦ ପ୍ଲଟ୍ ପାଇଁ ଚାଲିଛି ବୁକିଂ । ବୁକିଂ ପାଇଁ ବାରବାଟୀ ପ୍ୟାଲେସରେ ବ୍ୟବସାୟୀଙ୍କ ଅସମ୍ଭାଳ ଭିଡ଼ ଲାଗି ରହିଛି । ଆଜି ଓ ଆସନ୍ତାକାଲି ବାରବାଟୀ ପ୍ୟାଲେସରେ ସ୍ପଟ ବୁକିଂ ହେବ ।
