ତୃଣମୂଳସ୍ତରରୁ ପିସିସି ଯାଏ ବଦଳିବେ ନେତା, ଦ୍ବିତୀୟ ଦିନରେ ଆଜି ଜିଲ୍ଲା ସଭାପତିଙ୍କ ସହ ହେବ ଓ୍ବାନ ଟୁ ଓ୍ବାନ

ଭୁବନେଶ୍ୱର: ରାଜ୍ୟ କଂଗ୍ରେସର ସଂଗଠନକୁ ପିସିସିଠାରୁ ଆରମ୍ଭ କରି ଛାମୁଆ ସଂଗଠନ ଯାଏ  ଆମୁଳ ଚୂଳ ପରିବର୍ତ୍ତନ କରିବା ପାଇଁ ଆରମ୍ଭ ହୋଇଛି ପ୍ରକ୍ରିୟା । କଂଗ୍ରେସ ପ୍ରଭାରୀ ଚେଲ୍ଲା କୁମାର ପ୍ରଥମ ଦିନରେ ସମସ୍ତ କଂଗ୍ରେସ ବିଧାୟକ ଓ ଦଳର ବରିଷ୍ଠ ନେତାଙ୍କ ସହ ଓ୍ବାନ ଟୁ ଓ୍ବାନ ଆଲୋଚନା କରି ମତାମତ ନେଇଛନ୍ତି । ପିସିସି ସଭାପତି ନିର୍ବାଚନରେ କିଏ ହେବ ପରବର୍ତ୍ତୀ ପିସିସି ସଭାପତି, ସେନେଇ ୩ ଜଣଙ୍କ ନାଁ ପ୍ରତ୍ୟକ ନେତାଙ୍କୁ ଦେବା ପାଇଁ ପରମର୍ଶ ଲୋଡ଼ିଛନ୍ତି ପ୍ରଭାରୀ । ସେହି ଅନୁସାରେ ଦଳର ବିଧାୟକ ଓ ବରିଷ୍ଠ ନେତାମାନେ ପ୍ରଥମ ଦିନରେ ପିସିସି ସଭାପତି ପରିବର୍ତ୍ତନ ଓ ବିଧାୟକ ଦଳ ପରିବର୍ତ୍ତନ ନେଇ ମତାମତ ଦେଇଛନ୍ତି ।

ତେବେ ପିସିସି ପରିବର୍ତ୍ତନ ପ୍ରକ୍ରିୟାର ଆଜି ଦ୍ବିତୀୟ ଦିନରେ ସମସ୍ତ ଜିଲ୍ଲା ସଭାପତି ଓ ଯୁବ, ମହିଳା, ଛାତ୍ର ପରି ଛାମୁଆ ସଂଗଠନର କର୍ମକର୍ତ୍ତାଙ୍କ ସହ ଆଲୋଚନା କରିବେ ପ୍ରଭାରୀ ଚେଲ୍ଲା କୁମାର ।