ବଡ଼ ଘୋଷଣା: ବିବାହ ପାଇଁ ମିଳିବ ୧୦ ଦିନର ପେଡ୍ ଲିଭ, ଛୁଟିରେ ରହିଲେ ବି ମିଳିବ ସାଲାରୀ

ଏଣିକି ଛୁଟିରେ ରହିଲେ ବି ଆପଣଙ୍କ ସାଲାରୀରୁ ଟଙ୍କା କଟିବନି । ଛୁଟିରେ ରହିଥିବା ଦିନମାନଙ୍କରେ ଆପଣ ଦରମା ପାଇପାରିବେ । ବିବାହ ପାଇଁ ୧୦ ଦିନର ପେଡ୍ ଲିଭ୍ ଦିଆଯିବ । ଦୁବାଇ ସରକାର ଏଭଳି ଏକ ଘୋଷଣା କରିଥିବା ବେଳେ ତାହା କର୍ମଚାରୀଙ୍କୁ ଆଶ୍ବସ୍ତି ଦେବା ସହ ପାରିବାରିକ ମୂଲ୍ୟକୁ ମଧ୍ୟ ମଜବୁତ କରିବ । ଦୁବାଇରେ କାମ କରୁଥିବା ଏମିରାତୀ ନାଗରିକଙ୍କୁ ବିବାହ ପାଇଁ ପୂରା ୧୦ ଦିନ କାର୍ଯ୍ୟ ଦିବସର ପେଡ୍ ଛୁଟି ମିଳିବ । ଚଳିତ ବର୍ଷ ଜାନୁଆରୀ ପହିଲାରୁ ଏହାକୁ ଲାଗୁ କରାଯିବ । ୟୁଏଇର ଉପରାଷ୍ଟ୍ରପତି ଓ ଦୁବାଇର ଶାସକ ଶେଖ ମୋହମ୍ମଦ ବିନ ରଶିଦ ଅଲ ମକତୁମଙ୍କ ଦ୍ବାରା ଡିକ୍ରି ନମ୍ବର ୩୧ ଅଫ୍ ୨୦୨୫ ଅଧୀନରେ ଏହି ନିଷ୍ପତ୍ତି ନିଆଯାଇଛି ।

ଏହି ସୁବିଧାର ଲାଭ ସେହି ଏମିରାତୀ ନାଗରିକଙ୍କୁ ମଳିବ, ଯେଉଁମାନେ ଦୁବାଇରେ ସରକାରୀ ସଂସ୍ଥା, ନ୍ୟାୟିକ ୟୁନିଟ୍, ସୈନ୍ୟ ବିଭାଗ (ଆଶାୟୀଙ୍କୁ ଛାଡ଼ି), ଫ୍ରୀ ଜୋନ, ସ୍ପେଶାଲ ଡେଭଲପମେଣ୍ଟ ଜୋନ ଓ ଦୁବାଇ ଇଣ୍ଟରନ୍ୟାସନାଲ ଫାଇନାନ୍ସିଆଲ ସେଣ୍ଟର (DIFC) ପରି ସଂସ୍ଥାମାନଙ୍କରେ କାର୍ଯ୍ୟରତ ଥିବେ । ଏଥିପାଇଁ କିଛି ସର୍ତ୍ତ ରହିଛି । କର୍ମଚାରୀଙ୍କ ବିବାହ ଏକ ଅନ୍ୟ ଏମିରାତୀ ନାଗରିକଙ୍କ ସହ ହେବା ଆବଶ୍ୟକ । କର୍ମଚାରୀ ପ୍ରୋବେସନ ପିରିୟଡ ସଫଳତାର ସହ ପୂରଣ କରିଥିବେ । ବିବାହର ପଞ୍ଜିକରଣ ୟୁଏଇର ମାନ୍ୟତା ପ୍ରାପ୍ତ ସଂସ୍ଥାରେ ପ୍ରମାଣିତ ହେବା ଆବଶ୍ୟକ । ବିବାହର ଅନୁବନ୍ଧ ୩, ୨୦୨୪ ମସିହା ଡିସେମ୍ବର ୩୧ ପରେ ହେବା ଜରୁରୀ । କର୍ମଚାରୀଙ୍କୁ ଛୁଟି ନେବା ପାଇଁ ପ୍ରମାଣିତ ବିବାହ ପ୍ରମଣପତ୍ର ଜମା କରିବାକୁ ପଡ଼ିବ ।  ବିବାହ ତାରିଖ ଠାରୁ ଏ ବର୍ଷ ଭିତରେ ଏହି ଛୁଟି ନେଇପାରିବେ । ଯଦି କୌଣସି କାରଣରୁ କର୍ମଚାରୀ ଛୁଟି ନେଇ ନ ପାରନ୍ତି, ତେବେ ପରବର୍ତ୍ତୀ ବର୍ଷ ପାଇଁ ବଢ଼ାଇ ପାରିବେ ।