ଭାରତରେ ତୃତୀୟ ଲହର ଭାବେ ଏଣ୍ଟ୍ରି କରିବ ଓମିକ୍ରନ, ଦୈନିକ ଦେଢଲକ୍ଷ ମାମଲା

ନୂଆଦିଲ୍ଲୀ: ଓମିକ୍ରନ ଭାରିଆଣ୍ଟ ଭାରତରେ ତୃତୀୟ ଲହର ଭାବେ ଉଭା ହେବାକୁ ଯାଉଛି  । ୨୦୨୨ର ପ୍ରଥମ ସପ୍ତାହରେ ଅର୍ଥାତ ଫେବୃଆରୀ ମାସରେ ଏହା ଭାରତରେ ଉଗ୍ର ରୂପ ନେବାକୁ ଯାଉଛି  । ଆଇଆଇଟି କାନପୁରର ପ୍ରଫେସର ମଣୀନ୍ଦ୍ର ଅଗ୍ରୱାଲ ଓମିକ୍ରନ ଭାରିଆଣ୍ଟକୁ ନେଇ ଏପରି ବିସ୍ମୟକର ବୟାନ ଦେଇଛନ୍ତି  । ପ୍ରଫେସର ମଣୀନ୍ଦ୍ର ଆନାଲିସିସ କରିବା ସହ ଏ ଓମିକ୍ରନର ଭୟଙ୍କର ରୂପକୁ ନେଇ ତଥ୍ୟ ହସ୍ତଗତ କରିଛନ୍ତି  ।

ପ୍ରଫେସର ଅଗ୍ରୱାଲଙ୍କ ତଥ୍ୟ ଅନୁଯାୟୀ- ନାଇଟ କର୍ଫ୍ୟୁ, ଜନଗହଳି ଉପରେ ପ୍ରତିବନ୍ଧକ ନଲଗାଇଲେ ସଂକ୍ରମିତ ସଂଖ୍ୟା ବୃଦ୍ଧି ଘଟିବ । ଦକ୍ଷିଣ ଆଫ୍ରିକାରେ ବର୍ତ୍ତମାନ ଯେଉଁଭଳି ସ୍ଥିତି ଉପୁଜିଛି, ତାହା ଅତ୍ୟନ୍ତ ଉଦବେଗଜନକ ରହିଛି  । ବର୍ତ୍ତମାନ ପ୍ରରିପେକ୍ଷୀରେ ବିଭନ୍ନ ଦେଶର ମାମଲାକୁ ନେଇ କେସ ଷ୍ଟଡ଼ି କରିଛନ୍ତି ମଣୀନ୍ଦ୍ର  । ତେବେ ତାଙ୍କ ଆକଳନରେ ଉଲ୍ଲେଖ ରହିଛି ଫେବୃଆରୀ ମାସରେ ପିକରେ ପହଁଚିବ କୋଭିଡ଼ ମାମଲା  । ଦୈନିକ ଦେଢ ଲକ୍ଷ କୋଭିଡ ମାମଲା ଦେଶରେ ଚିହ୍ନଟ ହେବା ନେଇ ମଧ୍ୟ ଉଲ୍ଲେଖ କରିଛନ୍ତି  ।