ଓଡ଼ିଶାରେ ଚିନ୍ତା ବଢ଼ାଇଲା ଓମିକ୍ରନ

ଭୁବନେଶ୍ବର: ରାଜ୍ୟରେ କରୋନା ଭାରିଆଣ୍ଟ ଓମିକ୍ରନକୁ ନେଇ ବଢ଼ିଛି ଚିନ୍ତା । ବିଦେଶ ଫେରନ୍ତାଙ୍କ ବାଦ ପ୍ରଥମ ଥର ଜଣେ ଅଣ ବିଦେଶ ଫେରନ୍ତା ଓମିକ୍ରନ ଆକ୍ରାନ୍ତ ହୋଇଛନ୍ତି । ଯାହା ଚିନ୍ତାର କାରଣ ପାଲଟିଛି । ଗତକାଲି ଚିହ୍ନଟ ହୋଇଥିବା ୫ ଓମିକ୍ରନ ଆକ୍ରାନ୍ତଙ୍କ ମଧ୍ୟରୁ ୪ ଜଣ ବିଦେଶ ଫେରନ୍ତା ହୋଇଥିବା ବେଳେ ଜଣେ କଣ୍ଟ୍ରାକ୍ଟ ଟ୍ରେସିଂରେ ଚିହ୍ନଟ ହୋଇଛନ୍ତି । ତେବେ ସମସ୍ତଙ୍କର ସ୍ବାସ୍ଥ୍ୟବସ୍ଥା ସ୍ଥିର ଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି । ଏହାସହ ଆହୁରି ସତର୍କ ରହିବାକୁ ବିଭାଗ ପକ୍ଷରୁ ଲୋକଙ୍କୁ ପରାମର୍ଶ ଦିଆଯାଇଛି ।

ଅନ୍ୟପଟେ କିଶୋରଙ୍କୁ ଟିକାକରଣ ପାଇଁ ପ୍ରସ୍ତୁତ ଅଛି ଓଡ଼ିଶା । ଜାନୁଆରୀ ୩ ତାରଖରୁ ୧୫ରୁ ୧୮ ବର୍ଷ ବର୍ଗରେ ୨୩ ଲକ୍ଷ ୬୫ ହଜାର କିଶୋର ଟିକା ନେବେ । ମାସେ ଭିତରେ ଟିକାକରଣ ସାରିବାକୁ ଲକ୍ଷ୍ୟ ରଖିଛି ସ୍ବାସ୍ଥ୍ୟ ବିଭାଗ । ଏଥିପାଇଁ ଆସନ୍ତାକାଲିଠୁ ପଞ୍ଜିକରଣ ଆରମ୍ଭ ହେବ । ଜିଲ୍ଲାସ୍ତରରେ ଅଧିକ ଟିକାକେନ୍ଦ୍ର ଖୋଲିବା ସହ ଆବଶ୍ୟକ ପଡ଼ିଲେ ସ୍କୁଲରେ ଟିକାକେନ୍ଦ୍ର ଖୋଲିବାକୁ ନିର୍ଦ୍ଦେଶ ଦେଇଛି ସ୍ବାସ୍ଥ୍ୟ ବିଭାଗ ।