ରାଜ୍ୟରେ ନାହିଁ ଓମିକ୍ରନ୍, ଲାଗୁ ହେଲା ନାଇଟ୍ କର୍ଫ୍ୟୁ

ଭୋପାଳ: ସାରା ବିଶ୍ୱରେ ଦିନକୁ ଦିନ ହୁ ହୁ ହୋଇ ବଢ଼ିବାରେ ଲାଗିଛି ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା । ଭାରତରେ ମଧ୍ୟ ଓମିକ୍ରନ ମାମଲା ବଢ଼ିବାରେ ଲାଗିଛି । ଭାରତରେ ୩୦୦ ପାର କରିଛି ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା । ଦେଶରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାର ଦେଖି ମଧ୍ୟ ପ୍ରଦେଶରେ ଲାଗୁ ହେଲା ନାଇଟ କର୍ଫ୍ୟୁ । ମଧ୍ୟ ପ୍ରଦେଶରେ ରାତି ୧୧ରୁ ସକାଳ ୫ଟା ପର୍ଯ୍ୟନ୍ତ ଜାରି ରହିବ ନାଇଟ କର୍ଫ୍ୟୁ । ଓମିକ୍ରନର ସମ୍ଭାବ୍ୟ ଲହରକୁ ଦେଖି ପ୍ରଥମ ରାଜ୍ୟ ଭାବରେ ମଧ୍ୟ ପ୍ରଦେଶ ଲାଗୁ କରିଛି ନାଇଟ କର୍ଫ୍ୟୁ ।

In view of #COVID19 cases, Madhya Pradesh govt imposes night curfew (11 pm to 5 am) from today till further orders: Chief Minister Shivraj Singh Chouhan

(File pic) pic.twitter.com/gu5BNLiep3

— ANI (@ANI) December 23, 2021

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମଧ୍ୟ ପ୍ରଦେଶରେ ଓମିକ୍ରନର ଗୋଟିଏ ବି କେସ୍ ଏପର୍ଯ୍ୟନ୍ତ ସାମ୍ନାକୁ ଆସିନାହିଁ । ଗୋଟିଏ କେସ୍ ସାମ୍ନାକୁ ନଆସିବା ପୂର୍ବରୁ ହିଁ ଦୃଢ଼ ପଦକ୍ଷେପ ଗ୍ରହଣ କରିଛି ମଧ୍ୟ ପ୍ରଦେଶ । ଓମିକ୍ରନକୁ ନେଇ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି କି ମଧ୍ୟ ପ୍ରଦେଶରେ ବହୁତ ଶୀଘ୍ର ଓମିକ୍ରନ୍ ମାମଲା ସାମ୍ନାକୁ ଆସିବାର ସମ୍ଭାବନା ରହିଛି । ଆମେ ରାତି ୧୧ରୁ ସକାଳ ୫ ପର୍ଯ୍ୟନ୍ତ ନାଇଟ କର୍ଫ୍ୟୁ ଲାଗୁ କରିଛୁ, ଦରକାର ହେଲେ ଓମିକ୍ରନକୁ ରୋକିବାକୁ ଆହୁରି କଡ଼ା ପଦକ୍ଷେପ ଗ୍ରହଣ କରିବୁ ବୋଲି କହିଛନ୍ତି ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ।