ଆସନ୍ତାକାଲି ଓଡ଼ିଶା ଆସିବ ଓମିସିୟୋର, ଆଉ ଦରକାର ପଡ଼ିବନି ଜେନମ ସିକ୍ୱେନ୍ସିଂ
ଭୁବନେଶ୍ୱର: ଆସନ୍ତାକାଲି ଓଡ଼ିଶା ଆସିବ ଓମିକ୍ରନ୍ କିଟ୍ ଓମିସିୟୋର । ପ୍ରଥମ ପର୍ଯ୍ୟାୟର କିଛି କିଟ୍ ସୋମବାର ଓଡ଼ିଶାରେ ପହଞ୍ଚିବ । ଟାଟା ଏମଡି ଓଡ଼ିଶାକୁ ଏହି କିଟ୍ ଦେବ । ୫ ଲକ୍ଷ ଓମିସିଓର କିଟ ଆଣିବା ପାଇଁ ଅର୍ଡର ଦେଇଛି ରାଜ୍ୟ ସ୍ୱାସ୍ଥ୍ୟ ବିଭାଗ । ଓମିକ୍ରନ ଭୂତାଣୁ ଚିହ୍ନଟ କରିବ ଏହି ଓମିସିୟୋର କିଟ୍ । ଆଉ ଜିନମ ସିକ୍ବେନ୍ସିଂ କରିବା ଆବଶ୍ୟକ ପଡିବନି । ଓମିକ୍ରନର ଲକ୍ଷଣ ଥିଲେ ସଙ୍ଗେ ସଙ୍ଗେ ଏହି କିଟ୍ରେ ଟେଷ୍ଟ କଲେ ଓମିକ୍ରନ ଭୂତାଣୁ ଚିହ୍ନଟ ହେବ । ସ୍ୱାସ୍ଥ୍ୟ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । କିଛି ଦିନ ତଳେ ଓମିକ୍ରନ ସହ ଲଢ଼ିବା ପାଇଁ ଟାଟା ପ୍ରସ୍ତୁତ କରିଥିବା ଟେଷ୍ଟିଂ କିଟ୍ ଓମିସିୟୋରକୁ ମଞ୍ଜୁରୀ ପ୍ରଦାନ କରିଥିଲା ଆଇସିଏମଆର । ଆଉ ପ୍ରଥମ ରାଜ୍ୟ ଭାବେ ଓଡ଼ିଶା ଓମିସିୟୋର କିଟ୍ କିଣିବା ପାଇଁ ଅର୍ଡର ଦେଇଥିଲା।
