WHO ଦେଲା ଚେତାବନୀ, ବିଶ୍ୱରେ ଭୟଙ୍କର ହେଉଛି ଓମିକ୍ରନ୍

ନୂଆଦିଲ୍ଲୀ: ସାରା ବିଶ୍ୱରେ ଚିନ୍ତା ବଢ଼ାଉଛି କରୋନାର ନୂଆ ଭାରିଆଣ୍ଟ ଓମିକ୍ରନ । କରୋନାର ନୂଆ ଭାରିଆଣ୍ଟ ଓମିକ୍ରନ ଫଳରେ ଦିନକୁ ଦିନ ଦ୍ରୁତ ଗତିରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ଭାରତରେ ମଧ୍ୟ ଦିନକୁ ଦିନ ହୁ ହୁ ହୋଇ ବଢ଼ିବାରେ ଲାଗିଛି ଓମିକ୍ରନ ଆକ୍ରାନ୍ତଙ୍କ ସଂଖ୍ୟା । ବର୍ତ୍ତମାନ ସୁଦ୍ଧା ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୭୮୨ରେ ପହଞ୍ଚିଛି । ତେବେ ଓମିକ୍ରନ ସଂକ୍ରମଣ ବଢ଼ୁଥିବାର ଦେଖି ବୁଧବାର ବିଶ୍ୱ ସ୍ୱାସ୍ଥ୍ୟ ସଂଗଠନ ବିଶ୍ୱକୁ ଚେତାବନୀ ଦେଇଛି ।

କୋଭିଡ-୧୯ର ସାପ୍ତାହିକ ଏପିଡେମୋଲୋଜିକଲ ଅପଡେଟରେ WHO କହିଛି କି ଅନେକ ଦେଶରେ ଓମିକ୍ରନ ପାଇଁ ଦ୍ରୁତ ଗତିରେ ସଂକ୍ରମଣ ବୃଦ୍ଧି ପାଉଛି । ଓମିକ୍ରନ ଆକ୍ରାନ୍ତ ସଂଖ୍ୟା ସେହି ଦେଶଗୁଡିକୁ ମଧ୍ୟ ଅତିକ୍ରମ କରିସାରିଛି ଯେଉଁଠାରେ ପୂର୍ବରୁ ଡେଲଟା ଭାରିଆଣ୍ଟ ଅଧିକ ପ୍ରଭାବ ଥିଲା ।

ମିଳିତ ଜାତିସଂଘର ହେଲଥ ଏଜେନ୍ସି କହିଛି କି, ନୂଆ ‘ଭାରିଏଣ୍ଟ ଅଫ୍ କନସର୍ଣ୍ଣ’ ଓମିକ୍ରନର ବିପଦ ବହୁତ ଅଧିକ ଅଟେ । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି କି କରୋନାର ଡେଲଟା ଭାରିଆଣ୍ଟଠାରୁ ଓମିକ୍ରନ ଅଧିକ ସଂକ୍ରାମକ । ବ୍ରିଟେନ୍ ଏବଂ ଆମେରିକା ଭଳି ଦେଶରେ ଏହି ଭୂତାଣୁ ଅତି ଶୀଘ୍ର ବ୍ୟାପିବାରେ ଲାଗିଛି । ଏହି ସବୁ ଦେଶରେ ବର୍ତ୍ତମାନ ଓମିକ୍ରନ୍ ଅଧିକ ପ୍ରଭାବଶାଳୀ ଭାରିଆଣ୍ଟ ପାଲଟିଛି । ପ୍ରତିରକ୍ଷା ପ୍ରତିରୋଧ କ୍ଷମତା ଏବଂ ଅଧିକ ସଂକ୍ରାମକର ମିଶ୍ରଣ ଓମିକ୍ରନ ଦ୍ରୁତ ଗତିରେ ବ୍ୟାପିବାର କାରଣ ହୋଇପାରେ ବୋଲି WHO ଚେତାବନୀ ଦେଇଛି ।

WHO ଆହୁରି କହିଛି କି ଦକ୍ଷିଣ ଆଫ୍ରିକାରେ କରୋନାର ଆକ୍ରାନ୍ତଙ୍କ ସଂଖ୍ୟା ୨୯ ପ୍ରତିଶତ କମ୍ ହୋଇଛି । ନଭେମ୍ବର ୨୪ରେ ପ୍ରଥମ ଥର ପାଇଁ କରୋନାର ନୂଆ ଭାରିଆଣ୍ଟ ଓମିକ୍ରନ ମାମଲା ସାମ୍ନାକୁ ଆସିଥିଲା । ବ୍ରିଟେନ, ଦକ୍ଷିଣ ଆଫ୍ରିକା ଓ ଡେନମାର୍କରୁ ମିଳିଥିବା ପ୍ରାଥମିକ ସୂଚନା ଅନୁସାରେ ଓମିକ୍ରନ ଆକ୍ରାନ୍ତ ଡେଲଟା ଭାରିଆଣ୍ଟ ତୁଳନାରେ କମ୍ ସଂଖ୍ୟାରେ ହସ୍ପିଟାଲରେ ଭର୍ତ୍ତି ହେଉଛନ୍ତି ।